.... جربت ....
جربت تتنفس في لحظة غرقة
ع البر ... وكتير بأنفاس موت
ازاي يعني ... ومن غير صوت
جربت تحكي ف يوم عن فرقة
بجرأة عجيبة مخلوطة بسكوت
جربت الوحدة ف ضلمة وخنقة
وكأنك واحد عايش في تابوت
جربت مرة تكون مش إنسان
وكأنك صنم ... من غير روح
جربت الكسرة ،،، وكل هوان
في ساعة فراق كونك مجروح
جربت مرة تكون ..... تعبان
متلون ،،،،، وبلدغته مفضوح
جربت تحب ، وعاشق ولهان
مع إنسان .... وغير مسموح
ولو جربت تدافع عن نفسك
وسط غيلان أو حتي وحوش
ولقيتك فجأة فقدت أعصابك
ولسانك ... ما قدرت تحوش
واستقويت علي طيبة قلبك
ولقوك واحد تاني مايعرفهوش
اوعي اللحظة دي تهرب منك
دي فرصة حقك لو تاه عنك
جايز تاني ... ما تلاقيهوش
ليست هناك تعليقات:
إرسال تعليق