مزاد قلوب
اليوم فتحنا المزاد
على قلب بين القلوب
البيعه جايبه تمنها
و تستاهل بقسوة أدوس
على قلبي لحظة شراه
ما الحب في حياتنا
بقى بفلوس
حساب الحب في حياتنا
حساب مادي
هتاخد ايه !
هتاخد كام !
وهاتعدي,,
هاتعرف تخطف الاحساس؟
هاتعرف تنطفي وتنداس ؟
حساب الماده في زمانا
قتل في الحب كل حماس
بقت الكلمه في حياتنا
خلاص بحساب
هاتجمع تطرح وتقسم
وتضرب كل قلب إتصاب
بسهم عدو بإسم الحب ،
ماهو الحب في حياتنا
صبح بحساب،،
قولولي الحسبه يا اخوانا
مانا فاشله في كل حساب
وماتعلمتش أرد حبيب
بآه وعذاب،،،
وما كبرتش ما بين أحباب
بيخفوا كل كلمة حب
و بيعيشوا في أمل كداب،،،
لكن لو دي طريقة العيش في زمانا
هحاول أعيش
هحاول أعيش بقلب نضيف ولو كذاب
هحاول أقول بإني تمام
هحاول أضحك وجوه الروح حمم بركان
هحاول أخبي أي دموع
بضحكه تقول بصوت مسموع
في يوم البيع
هابيع قلبي ولو موجوع
ها ادوس عالجرح بقساوه،،
و أقابل حبي بغباوه،،
و أحاول أقول لكل عميل
في يوم البيع
لغينا البيع ،،،،
ومات القلب ،،،،
ضحيه حب ،،،،
عاش عمره بيدي لغيره
وفي الآخر رحل مخدوع
في يوم البيع
ليست هناك تعليقات:
إرسال تعليق