#مابإيدي حيلة.
ربي أنا ما بإيدي حيلة
حتى لو الأحمال تقيلة
وارمي حمولي لو قليلة
مين لغيرك هشتكي
أو ابقى له ذليلة
والله أنا ما بإيدي حيلة
والأيام قاسية وطويلة
راحتي فيها قربي ليك
حتى لو الأوقات بخيلة
بين ضلوعي أيات كتابك
بتداوي الروح العليلة
ربي أنا ما بإيدي حيلة
كل نعمة بتيجي منك
ولا حاجه معاك مستحيلة
مش بإيدي غير دعائي
أقضي بيه لحظات جميلة
بين إيديك بيكون مكاني
راحة ليا في كل ليلة
والله أنا ما بإيدي حيلة.
ليست هناك تعليقات:
إرسال تعليق