جريدة الأسرة العربية_"سلسله مقالات دكتور عيالى النفساني"_ بقلم الدكتور علي الرشدي

 

سلسله مقالات دكتور عيالى النفساني

*دكتور علي

**نعم

*دكتووووووور

**أيوا

*أدوكتوووووووووور علي

**خير يا ماما والله انا مع حضرتك علي التليفون اهو، هو حضرتك بتنادي علي أبوالعيال

*عندي الواد الكبير اللي في رابع ابتدائي مانت عارفه يا خويا، لقيته امبارح بيتكلم معايا بيقولي ياماما ليه دايما معاملتكم معانا وحشة كدة دايما زعيق وضرب وحاجات ياخويا كدة معرفش الواد جابها منين

**بصي يا مدام كلام ابنك صح ودي مشكلة كل البيوت والنتيجة بتاعتها مش بتظهر في الطفولة وبس لا دا كمان ممكن تأثر علي ولادنا لما يكبروا

*وايه كمان قول يا دكتور قلقتني

**نحرص من ثلاثي ضوضاء البيت

*انت هتهزر يا دكتور مش وقت هزار لو سمحت

**بصي يا ماما كلنا عندنا مشكلة مع 3 حاجات في بيوتنا هي النقد والمقارنة والتوبيخ، طول النهار مع ابني أو بنتي كلام زي اهي لو نفعت ، انت عيل فاشل، ابقي تف علي قبري لو فلحت، انت هتجيبها من بعيد ما انت طالعله، انت محصلتش ابن عمك دكتور قد الدنيا

*يالهوي يا دكتور علي هو حضرتك عرفت الكلام ده ازاي دا انا طول النهار مع العيال كدة والله حكيم روحاني حضرتك

**لا وانتي الصادقة حكيم عيون ، المهم بقي يا مدام نخلي بالنا من دول مدمرين للتربية في الوقت اللي احنا فيها لازم نبعد عنهم

*يعني ايه يا دكتور عيالي مش متربين، ماكنتش اتوقع منك كدة خالص، لا لا لا بجد زعلتني بقي انا طول النهار بشكر فيك لجيراني وبقول عليك كلام حلو تيجي في الآخر تقول كدة لا لا اوعي بقي هما كل الرجالة كدة صنف واحد، وعلي فكرة بقي الاهتمام مبيتطلبش

**نعم؟ فوقي يا مدام انا مش ابو العيال، انا بتكلم علي إن ال3 حاجات دول بيأثروا في التكوين النفسي لولادنا ولازم نبعد عنها، تمام يا مدام

*تسلم يا فنان

**فنان برضوا، ماشي ما يضرش

*طيب والحل يا دكتره

**لا مش المرادي سلام هههههههه

*بقي كدة ماشي سلام يا دكتور