وفي إيه بعد الأم (بالعامية المصرية )
وفي إيه بعد الأُم حنان
وفي إيه بعد الأُم أمان
شايْلة عَنَّك هَمَّك
شمعة ونور لطريقك
فرحة تضُمَّك
هيَّ أُمَّك
ما هِي كانت بداية عُمرَك
فَرشَك وغطاك لَوْ بَردان
بإديها تتفتَّح بِبَان
طُوق نجاتَك لَوْ غرقان
تِفُك دِينَك
فرحة لعينك
ما هِي سَنَدَك ويِمِينَك
تمسَح دَمعك
تِرَوَّق دَمَّك
تُقَع وتشِدَّك
حامِي ف ضهرك
وفي إيه بعد الأُم مكان
هِيَّ السند والدَّفا والعنوان
ليست هناك تعليقات:
إرسال تعليق