#مع إني.......
مع إني عاشقة للورود
والخضار على كل عود.
والنسيم وياه نغم
داير يهفهف ع الخدود.
وبلابل عماله بتعزف
بحسها لحن الخلود.
وضي شمس من
بدري طالعة مديه
للمية لمعة
بتدفي كل الوجود.
وقمر سهران ليلاتي
وشط ساكن أمنياتي
ونجمة جمالها ملالي
وسحرها مخطي الحدود.
لكني بستنى الخريف
بنسيمة وجوه اللطيف
بشوف جمال ورق
الشجر طاير من
الأغصان خفيف
مفروش ع الأرض
بسكونه الله بقى
على سحر لونه
بلون الشمس الغيبة
عنا بضلها ونورها الكثيف
والشجر محتاج لمين!
مستنى أمطار الحنين
تروي غصونه وتحلي
لونه يطرح ربيع
وورود تزين.
عارفين دا مين!
دا بييجي مرة ف السنة
يغسل همومنا وجرحنا
ولو دعينا كلنا الدعوة
تطلع للسما فوق
السحاب لربنا مجابة
بسره المعين.
ونقول دا مين:-
في وجوده خير
يسقى الصغير
والكبير سحر ليله
كمان خطير
أنغام على صوت
المطر ذي الهدير
ورقص غيمة على
الملأ ونور كتير
هييجي أكيد بدون
تأخيربنستناه لو إمتى
وريحته تمللنا الحتة
نغني وندور على لحنه
ونقول أهلا بالشتا.
ليست هناك تعليقات:
إرسال تعليق