في البدايه نود ان نعرف من هي الفنانه عبير علي احمد؟
زوجه وام لبينتين و ولد اكبرهم ٢ اعدادي و٥ ابتدائي و١ابتدائي
ماهي دراستك؟
كليه تربيه نوعيه قسم تربيه فنيه
هل دراستك لها علاقه بفن الجلود؟
في الحقيقه درسته في الجامعه وكنت شاطره فيه
هل لكي هوايات اخري غير تصميم الجلود؟
نعم بحب الأشغال اليدوية بالخامات البيئية والخياميه والطباعه
ماذا عن تصميم الجلود؟
كنت بحب شغل الجلود جدا وعملت منه علب الميك اب وعملت شابوه اباجوره قبل ما اتعلم صناعه الشنط والباترونات
ماهو حافزك لدخول في هذا المجال؟
كنت بحاول ادخل مجال الهاندميد لشغل وقت فراغي وكنت بحاول اسعد نفسي بحاجه بحبها اوي
هل اخذتي كورسات؟ أو حد علمك فن الجلود؟
طبعا انا اخذته في الجامعه ولكن مش بتعمق لاني خريجه ٢٠٠٣ ولما فكرت فيه تاني اخدت كورس مبدئي من سنتين
هل تحبي دمج خامات الجلود مع خامات اخري؟
نعم احب دمجه مع خامات نفس قيمته مثل الاحجار والنحاس
واختتمت الفنانه حديثها قائله
احب اقول ان دايما الانسان يدور علي الهوايه اللي بيحبها ويحاول يطور نفسه فيها علشان ينجح وقتها هايحس بسعاده لما يلاقي نجاحه في الهوايه اللي بيحبها وبيبقي سعيده جدا بكل منتج بطلعه ومن تعليقات الناس علي شغلي
الف شكر لحضرتك والف شكر لرئيس مجلس الاداره المستشار حسن حميد علي اهتمامه بفنانين الهاند ميد بكل مجالاته وخلق روح الإبداع والابتكار والتنافس بين الفنانين
ردحذف