شويه نصايح للناس اللي عايزه تخس
1- اهم نقطة مفيش حاجة اسمها دايت او ريجيم ده اسلوب حياه مش عشان تخس بس لا عشان صحتك تبقي احسن
تكون احسن من جوا ومن برا
اكبر غلطة انك تجوع نفسك تاكل فاكهة بس او تتغشي زبادي وتنام جعان
انت كدة مش بتخس انت كدة بتفقد وزن
يعني بتنزل ماية وعضلات اكتر من الدهون
الصح انك تنزل دهون اكتر
يبقي الحل انك تاكل اكل صحي وتشبع
2- الكارب او النشويات مش عدو ليك بالعكس انت محتاجها بس تاكل كارب معقد
بمعني كارب ميرفعش الانسولين جامد
رز مسلوق. مكرونة قمح. فريك. شوفان. برغل. بطاطس مسلوقة. بطاطا
عيش بالردة او سن او عيش بالشوفان
3- البروتينات اختار البروتين الصح
السمك لازم 3 مرات ف الاسبوع
البيض كل يوم
الفراخ مرتين
اللحمة مرة ف الاسبوع
الجبنة القريش
كمان البروتين النباتي البروكلي الفاصوليا. العدس الفول
4- الدهون دي اهم حاجة
للاسف الناس بتخاف من الدهون بس من غير الدهون المفيدة مش هتخس
الدهون المفيدة ف البيض وزيت الزيتون
زيت جوز الهند المكسرات. الاسماك. وخاصة الماكريل والتونة والسالمون
5- طبق السلطة
وده عبارة عن خيار وطماطم بروكلي بنجر جرجير. ورق عنب احمر. قرنبيط توم. بصل. بقدونس. كسبرة. خس. او كابوتشا. لمون. خل. فلفل اخضر والوان.
كل حاجة تقدر تحطها ف طبق السلطة حطها
6- الفاكهة
الفاكهة مش حاجة دايت دي سكر فركتوز اخطر من السكر العادي الفاكهة مهمة بس مش تقضيها فاكهة طول اليوم ليك 100 كالوري فاكهة
7- النوم
لازم من 7 ل 9 ساعات.
مش اقل من 7 ساعات نوم ف اليوم عشان هرمونات الحرق تنشط
كمان بناء العضلات بيتم وانت نايم مش وانت بتتمرن
ولازم تشرب ماية كتير ع الاقل 3 لتر ف اليوم
8- الرياضة
الحديد ده ام الرياضة هيحافظ ع العضل ويحرق دهون
والبنات ممكن تلعب حديد عادي مش هيطلعلها عضلات تركيب هرموناتها مختلف عن الولاد
حاول تلعب رياضة حتي لو تمشي كل يوم نص ساعة بس حرك جسمك
9- اوعي تتضايق او تكتءب
اصبر وكمل هتلاقي النتيجة اللي عاوزها خليك واثق من كدة
10- اشترك مع غيرك اللي بيخس ده هيحمسك ويديلك دافع قوي
ومتسمعش لحد يحبطك 💪💪💪💪
ليست هناك تعليقات:
إرسال تعليق