بوسي سمير : أسوأ 5 مشاعر قادرين يغيروك 180 درجة للأسوأ !!
1 - " الخُذلان " من أقرب صديق ليك بعد عِشرة سنين ، و كأن كل إللي كان بينكم مبني علي مجرد فعل ورد فعل و حب زائف وكلمتين
حلوين !!2 - " الوِحدة " من وسط كل إللي حواليك .. ' أصحابك ، أهلك ، معارفك ، العابرين في حياتك ' .. إنت لوحدك محدش قدر يخطفك منك و يخليك تشعر بالأمان بأن ليك إنسان تاني علاقته بيك مبنيه على أساس إنه يشوفك بتضحك بس مش موجود !!3 - " الصدمة " إنك تتصدم مرَّه و إتنين و تلاته و كل مرَّه في شخص كان اقرب ليك من التاني لحد ما بقي عندك هشاشه نفسيه و غير قادر على دخول أى علاقه بأي شخص في العالم تحت أي مسمي كان !!4 - " الحب " إنك تحب بكل شئ جواك ، و تكاد تجزم إن ده هو الحب الحقيقي في حياتك و إنت عمرك ما حسيت الشعور ده من قبله ، و فجأة تكتشف إن ده سراب و هم و إن كل مشاعرك دي كانت جواك لوحدك وموجها للشخص الغلط الغلط تمامًا !!5 - " الفقدان " مش فقدان شخص ، فقدان نفسك ، إنك تتوه منك ، تنساك و تتغير عليك ، ملامحك تفاصيلك روحك حتي تبهت منك ، تتفاجئ إنك إنسان تاني حد متعرفوش غريب عليك ، فقدان النفس أسوأ فقدان !!
ليست هناك تعليقات:
إرسال تعليق