#إحساسي
إحساسي بالأمل دايم
ولا بعرف لليأس طريق.
ولو اليأس يوم جاني
بيتحول ويبقى صديق.
الدنيا من غير أمل
مليانه حزن وضيق.
مع كل بال انشغل
وقلب داب في حريق.
وكل كلمة بتجرح
في أي نبض رقيق.
يمكن ساعات القشة
تقدر تنجي غريق.
غرقان في الأوجاع
وتاه منه الطريق.
والحزن صار له شقيق.
طب ليه نعيشها كدا
وأيامها معدودة.
وكل دقيقة فيها
أعصابنا مشدودة.
وإحنا فيها ضيوف
في زيارة محدودة.
أعمالنا مشهودة.
عيش بالأمل تلقاها
أحلى حياة.
كون في الدنيا
لغيرك طوق نجاة.
أو ضي ينور دنيته
ويكون معاه.
ليست هناك تعليقات:
إرسال تعليق