...........بنيت لك
وتجرح وقلبي يحس بضياع
وتظهر علامة فى طريق الوداع
تقول إن قلبك هجرني وباع
ولا حتي فكر ف أصل الحكاية
هوايا وقادرة أسيطر عليه
هفتت جينات الأماني اللي فيه
هكسر كرات المحبه ف عينيه
هكون جوه روحي السند والحماية
هطبطب وأرطب وأبكي بضمير
وهنزع بأيدي هواك الضرير
نويت إني أحدد بدونك مصير
وأكون ف الأخير لنفسي وكفاية
ف لحظة تحايُل رمتني ف طريق
ملان بالديابه وغدرك رفيق
وظهرت مخالب ضمير مش برئ
يا ريتني فهمت الحوار م البداية
دخلت ف حياتي بحروف الكلام
بنيت لك ف قلبي مكانه وكيان
مليتها بخيانه ونداله وملام
كشفتك وظهرت خطوط النهاية
ليست هناك تعليقات:
إرسال تعليق