جريدة الأسرة العربية _ يلا ريسايكل _ بقلم مصممة الأزياء / شيماء أحمد

                                             يلا ريسايكل

تعالوا نجدد دولابنا ومنها نجدد حياتنا بالمرة كتير مننا دولابهم مليان حجابات يمكن قديمة أو اتنست عشان كتيير اوي وكمان بياخدوا مكان فالدولاب وبيعملوا دوشة متقلقوش هخلصكوا

من دوشتهم للأبد..

هنعمل دوشة جديدة بس مختلفة شوية

النهاردة هنعمل مع بعض ريسايكل للحجابات المركونة فالدولاب ونخفف الزحمة بتاعتهم دي وفي ثلاث خطوات وبس..!

كل المطلوب انكوا تجهزوا كل الحجبات القديمة والزيادة فالدولاب وتمشوا معايا الخطوات خطوة خطوة

عايزاكو بس تقسموا معايا الحجبات لنوعين

**نوع شيفون أو ستان ودا بيبقى ناعم جدا ونحاول نشتغل بيه قطعة واحدة

**نوعه قطن أو لبكرا ودا هنعمل فيه إبداعات

يلا بقى نجهز ادواتنا هي: ( حجابات _ مقص_ قلم ماركر لو مافيش قلم ألوان _ مكنة خياطة لو مافيش إبرة خيط)

نبتدي بالشيفون : والي هنعمله دريس ناعم وبسيط في ثلاث خطوات فقط

1_الخطوة الأولى : هنطبق الحجاب بالعرض مرة وبعدين بالطول مرة تانية

2_الخطوة الثانية: وبقلم الماركر نعلم مكان فتحة الكتف والي بن سمها على شكل ثلث دائرة ونحدد فتحة الصدر ونقص على الخطوط إلى حديدناها

3_الخطوة الثالثة والأخيرة : نقفل بالخيط كل الفستان ونسيب بس فتحة الصدر وفتحة الكتف ونعمل شكل بسيط على الكتف لتزيين الفستان..

وبكدا بقى عندنا فستان ناعم ورقيق مناسب جدا الصيف وبفكرة ريسايكل سهلة وبسيطة

** النوع التاني من الحجبات والي هو القطن أو اليكرا دا بقى هنلعب بيه شوية وناخد راحتنا. ومننساش هما ثلاث خطوات وبس

1_الخطوة الأولى : نطبق الحجاب بالطول.

2_الخطوة الثانية : نعلم بقلم الماركر الشكل إلى هنعمله فالفستان ونراعي المقاسات وبعدين نقص على الخطوط إلى حددناها

3_الخطوة الثالثة والأخيرة : نخيط على الخطوط إلى رسمناها ونفقل الفستان..

وبكدا نبقى عملنا فستان قطن للصيف والحر وكمان فضينا الدولاب شوية وجددنا فيه