سألت صاحبي
مالك بتبكى ليه ياجدع ؟؟
طول عمر ضحكك
البدر نوره منه سطع
ولا يوم شكيت
قلت حزين
وشفت من الدنيا بدع
دا انا قولت حظك
كدة تمام عايش
هنا عايش دلع
ولا يوم تخاف من كبير
ولا صغير
كله قدامك خضع
رد عليا:
آسف يا صاحبي
خيل الدموع منى هلع
جيت افتديه بضحكة
تانى
دمعى صرخ بطل خدع
خيل الدموع منى هلع
حاولت أمسك لجامه
لجامه منى انقطع
رمحت دموعي
برة قلوعي تصرخ وجع
وجع وفاض من جوة
كدبي ... أيوة وقع
الكيل طفح بير
المرار خادني وغرق
دنيا عجيبه بكل لون
نداري منها الرقع
نبكىى وعارفين
إلى فاتوا قالوا
ياريته.......!!
ياريته كان نفع😥
ليست هناك تعليقات:
إرسال تعليق