من صغر سني
وأنا *بهواك* .
وتملي بدندن وياك.
كل غنوة فيها مني.
أيام حلوة لاقيتها
معاك.
ف قصة بعيشها
بخيالي بلقاها
بتدور في بالي
ولو سمعتك تقول
*نعم*كأنك جاي
بتقولهالي وإن
قولتلي يوم*أحبك*
أو*عيني ضناها
السهر*هقول
*أنا لك على طول*
أسهر وأدوب
وأحتار *علشانك
يا قمر* يمكن ت
*صافيني مرة*
وتوفي بالوعود.
ماتقولش
*أنا الغريب*
وحزني مالوش
حدود.
اياك تكون*مغرور*
أو *أول مرة تحب*
هتبقى*حاجة غريبة*
مالهاش دوا ولا طب.
مع إني*بحلم بيك*
و*بيني وبينك*
عهود وأمال ترجع
تقول *ظلموه*
وليه قلبي *تخونوه*
كأنه ما داب يوم
ولا حب.
نبضك جوايا ساكن
ماأقدرأقول *توبة*
أو إنها أخر نوبة.
أنا اللي لحبك
مشدودة ومجذوبة
ووتر القلب
بيك *مشغول*
ومش لاقيه
لغرامه حلول .
سرحان وشارد
فيك على طول.
و*بأمر الحب*
كان *موعود*
و*على قد الشوق*
داير *سواح*
لا يوم فرح ذي
العاشقين.
ولا عمره في
حياته ارتاح.
كل ما فيه
آهات وجراح.
رغم الألم
صوتك *جبار*
شايل أحزان
بتوصلني تئيد
القلب *نار*.
وليل البكي
وياك أنهار.
وبشوكك اللي
ماشي عليه
نزفت كتير
على الأوتار.
*ف يوم
في شهر
في سنة*
رحلتك عذاب
ومرار.
ومهما تعدي
السنين بيا
ومهما تفوت
الأيام لو بعد
ميت سنة
هيفضل حبك
*صدفة*جوايا
معلمه ولو جيت
ت*حلفني*
مش هكدب أنا .
صوت الطرب
القديم.
وياك القلوب
بتهيم.
لو غنوامهما
غنوا.
ولا ييجي زي
حليم.
ليست هناك تعليقات:
إرسال تعليق