القسمة والنصيب
طلب مخرج عالمي من الفنان رشدي أباظة يمثل مشهد أمامه حتي يتم تقيمه ليمثل في السينما العالميه ، فرفض رشدي أباظة ، وأعتبرها إهانة وقال أدخل أتفرج على أفلامي .
ربنا تدبيره أبعد وأشمل ، فالمر الذي تختاره لي يا ألله خير من
الشهد الذي أختاره لنفسي..وإن عرفتم الغيب .. لأخترتم الواقع .
فيه أمور لا نفهم حكمة ربنا منها .. لكننا سنفهم فيما بعد
فيه مواقف كتير ، الواحد بيشوفها بيكون الشخص غير راضي ، ومتضايق من شغلة معينة وتكون سبب في خير له .
الفنان عمر الشريف عندما كان يمثل فيلم ( فى بيتنا رجل ) إختلف مع المنتج بسبب أعطاه أجر أقل من رشدى أباظة ..
الغريب إن الفيلم يعتبر بطولة عمر بس إسم رشدى وقتها هو اللى كان هيجيب الجمهور ..
عمر كان له رغبه في عدم تكملت تصوير الفيلم وكان هينسحب خصوصا إن تغيير أجره حصل بعد ما كان أتفق خلاص ..
بس بعدها كمل تصوير الفيلم على مضض وكان بحسب كلامه فى برنامج ( تجربتى ) مع ، طارق حبيب وبسبب الموقف السخيف ده كان فى أقل درجات تركيزه وهو بيمثل .
وهما فى نصف التصوير للفيلم ؛ وصل مصر المخرج الإنجليزى المعروف "ديفيد لين" فى زيارة سريعة .. سببها ؟
.. عشان يتفرج على الممثل المصرى إسمه "رشدى أباظة" ويختاره بطل لـ فيلم ( لورنس العرب ) بناءًا على ترشيحات ..
دخل يتفرج على تمثيل "رشدى" أثناء التصوير فيعجبه "عُمر" اللى كان بيمثل من غير نِفس وهو اللى يلفت نظره ويختاره هو بدل "رشدى" بطل لفيلم ( لورانس العرب ) ويبدأ من هنا مشوار "عُمر الشريف" فى السينما العالمية !.
• كل واحد فينا لما يبص لكل اللي بيحصل معاه أو مع غيره بعد فترة بيفهم والأيام بتثبت له إن فيه حكمة غير واضحة لم تكن تشاهدها فى وقتها ..منقول
ليست هناك تعليقات:
إرسال تعليق