اهلا بيكي يا مبدعه ممكن تعرفينا بنفسك وبفنك واهم اعمالك
انا اسمي سارة مصطفى شطا خريجة جامعة القاهرة ليسانس اداب قسم تاريخ من محافظة بورسعيد عندي موهبة الرسم والكروشيه والتطريز اهم أعمالي اللي انا عرضتها في المسابقه
وانا بميل الأعمال التراثيه اللي بتعبر عن الثقافة العربيه الشرقيه
ماهي لمستك الخاصة في تصاميمك
انا بحب التدرج والتنسيق في الألوان ومراعاة الإضاءة في أعمالي علشان اللي بيشوف الأعمال يعتقد أنها مرسومه بالتطريز وانا شغاله على تطوير نفسي ودا أن شاء الله هتشوفوه في أعمالي القادمه على الصفحة
ماهي اكبر العقبات التي تواجهك
عدم توافر الخامات وانا بحاول استخدم أعلى خامات موجوده في السوق ولكنها قليله في بورسعيد
مين اكتر حد شجعك
والدي الله يرحمة لانه هو اللي علمني الرسم ودلوقتي زوجي وامي واهلي واصدقائي
ايه هي اكتر حاجه في شغلك بتنال اعجاب الجماهير
الحمد لله استخدامي في الألوان والدقة في الشغل والتنسيق
ايه هي الحاجات اللي بتلهمك وتخليكي تبدعي في فنك
الموسيقى الشرقيه وانا من عشاق الإذاعة المصرية ودي اكتر حاجه بتلهمني
ايه هو طموحك في المستقبل
اني اتطور اكتر على مستوى الفني والناس تتعرف على موهبتي اكتر
ماهي الكلمه اللي تحبي توجيهيها للجريدة
شكرا جدا للجريده المحترمه وعلى رأسهم الأستاذ حسن حميد ولجنة التحكيم المحترمه اللي كانت محايده وعلى رأسهم الأستاذ كريم الفيشاوي والادمن اللي ف الصفحة لأنهم بجد شجعوني ودعموني بالتعليقات الجميلة ويارب اكون عند حسن ظنكم بيا في الأعمال القادمة
وعلى فكره انا اول مره انزل شغلي بره صفحتي الشخصيه وانتوا اول صفحة اعرض فيها أعمالي حصري
ما شاء الله تبارك الله الله اكبر الله يزيدك من فضله يارب
ردحذف