اهلا بيكي يامبدعه
ممكن تعرفينا بنفسك وبفنك واهم اعمالك
اسمي غادة حمدي عندي 44 سنة خريجة كلية البنات قسم اجتماع بعد التخرج تزوجت وأنجبت 3 أطفال بحب شغل
الحلويات جدا ودايما بجرب فى زوجي وأولادي بدأت شغلي من حوالي 5 سنين وعملت جروب وصفحة على الفيس بوك لتسويق الحلويات بعد نصيحة من صديقة ليا ربنا يجازيها كل خير يارب ، حاولت اطور من نفسي واتفرجت على فيديوهات كتير على اليوتيوب لتصميم الكيك ومن حوالي سنة أخدت كورس فى الكيك بشكل احترافي (Sharp edge) وكورس لتصوير المنتج (food styling) صممت كيك لحفلات وكاندي بار أعياد الميلاد والخطوبة والأفراح وحفلات برنامج صبايا الخير
ايه طموحك في المستقبل
طموحي إن يكون عندي محل حلويات لتصميم الكيكباسم Rainbow cakes and cupcakes
ايه الكلمه اللي تحبي توجيهيها للجريدة
سعيدة جدا بانضمامي للجريدة لانها أتاحت لي الفرصة أعرض شغلي واسمي يتعرف فى المجال وأحب اشكرهم على دعمهم لفنانات الأعمال اليدوية 🌺🌺
ليست هناك تعليقات:
إرسال تعليق