ممكن تعرفينا بنفسك وبفنك واهم اعمالك
انا دينا طنطاوي عندي ٢٤ سنة خريجة كلية تربية فنية جامعة حلوان و بحب الرسم من و انا صغيرة لما جيت ادخل الجامعة قررت أني اختار كلية فنية و اختر تربية فنية لانها فيها مجالات
كتير و أقسام كتير بتتعلمها خلال الخمس سنين ف يبقي عندك خبرة في كزا مجال زي التصوير و الخزف و النحت و فنون تانية مش تخصص واحد بس اللي تتعلمه في الخمس سنين و خلاص و متعرف حاجة تانية عن باقي الفنون و حبيت اكتر حاجة المعادن و هي فن الحلي وهي تعتبر نحت بردو و خاماته النحاس و الفضه و الذهب و الماس و ممكن يطعم بأحجار و قررت لما اتخرجت بدل ما احضر ماجستير و بعدين دكتوراه أني أخد كورس فن الصياغة في سوق الفسطاط و اخترت استخدم النحاس أولًا لانه أسهل من الفضه و الذهب و أرخص كمان لأني في البداية و سوق الفسطاط ده مكان اثري و بيعلموا هناك فنون كتير و اخدت الكورس عشان اطور من شغلي اكتر و عملت صفحة ليا علي الفيسبوك و انستجرام و ان شاء الله ابقي اكمل باقي الكورسات مع فنان كبير وعظيم
ايه هو طموحك في المستقبل
أن شغلي يبقي brand عالمي
ايه الكلمه اللي تحبي توجيهيها للجريدة
احب اشكر الجريدة جدا انها بتدعم الفنانين و تديهم فرصة انهم يتعرفوا و لازم الواحد يبقي عنده ثقة في نفسه و آمل في الحياة
ليست هناك تعليقات:
إرسال تعليق