أنين_الورد
_________
مين اللي قال ان الورود طول ماهي ساكنه غُصنها.. بتعيش؟؟!!
دا ساعات بتستني اللي يرويها ف مبتلاقيش..
ووقتها بس.. بتدبل على عودها وتقع وتموت..
ولا حد بيحس بيها.. ولا حتى بيطلع صوت..
لكنها بتصرخ وبتستجير بصوت مكتوم.. وقلب ضعيف بيئن من كتر الهموم..
دي مجرد.. ورده زيها زي ورود كتير في جناين الرحمٰن..
حِلمتْ تعيش وتزهّر ويملا عبيرها كل مكان..
لكل بستاني.. راعي الضمير دايما في نعمة ربنا..
وافتكر ان الزهور محتاجه ريّ عشان تعيش..
طول ماهي عايشه هتبهرك بعبير عطوره متنتهيش..
والا ألوانها.. الجميله.. المبهجه.. اللي تشوفها عينك.. وتخلي قلبك ينشرح.. فتلاقي روحك طايره جدا من الفرح..
ياريت تفوق.. قبل مايفوت الأوان.. وساعتها تصحى تلاقي بُستانك مبقاش أمان.. بقى صحرا فاضيه.. وأرضها مبقتش صالحه لزرعه تانيه..
هاااا🤔 لسه عاوز حد تاني يفهمك ولا خلاص..؟؟
ليست هناك تعليقات:
إرسال تعليق