لو عاوزينا ننسي القدوه ابقوا قدوه
...........
ننسي قدوه وروح ترفرف
ننسي كل الزكريات
ننسي كل إل عَلَمُونا
يعني إيه معني الحياة
ننسي ماضي نقول
دا ماضي
ونفتكر بس العادات
....
الدميمه مش سليمه
إحنا وِلد الباهوات
وإننا أحسن م خالق
متخلقنا يا ناس أيآت
وإن كل الناس بتخدم
جدنا إل غاية ممات
....
وإن لينا ف كل مينا
ميت علامه وتشريفات
ولما ندخل يوم بلاد
يوقفوا لينا بالسعات
وان لينا الورث كله
مفيشي حاجه للبنات
.....
طاب ليه نسينا الجِد قال
بالخُلق الاعمار تطول
وإن كل الناس أحبه
كَل كباب أوكَل ف فول
وإن سلطانيه واحده
تكفي عشرين بالقبول
......
طاب ليه نسيناالانسانيه
وقلبنا الصافي الحنين
عيشه.... بكل ممنونيه
كل صعب بيبقي هين
كل صحبه بحسن نيه
روح نقيه وسهل لين
....
ليه بينسي الجار ف جاره
وقت زنقه ميغيتوش
وإللي داره جنب داره
بالسنين مبيشوفوش
والولاد وقت الخناق
مش ولاد لأ دول وحوش
......
ننسي عمه وننسي خاله
والحجج هما إل بُعَاد
ولو زكرهم يوم ف باله
تنصحوا يسوق ف العناد
كل هموا بس ماله
طاعه عبوديه إنقياد
ولو في شر بتلقي حاله
إيده دايما ع الزناد
......
ننسي ماضي.. إ نسيب علامه
حافره حفره في الزمن
لما نشرع ف ابتسامه
ومش بنستني التمن
ونفتكر بس الخيانه
وكل خاين مؤتمن
........
ليه عقولنا النعمه تاهت
وسط كوم مخدرات
والساعات الحلوه راحت
سرمحه ويا البنات
ليه سنين العمر فاحت
كل نوع م المسكرات
.....
ليه نسينا بعضنا
وتوهنا من جوه الحيطان
كل واحد 1000فكر
وضيع الفكر الامان
ليه صبحنا عريانين
والتياب داقت كمان
نشكي مش عارفين لمين
نبكي دم وع البيبان
.........
لو عاوزينا ننسي قدوه
ونفتكرحال اللي خاب
كونوا قدوه كونوا قدوه
يفتخر بيها الشباب
اوعوا تشكوا م الزمن
الزمان عمره م عاب
والتاريخ راح يِتْكَتَبْ
1000صفحه و100كتاب
........
ليست هناك تعليقات:
إرسال تعليق