(بياع الصبر)
أجيب منين الصبر
والبياع مش راضي
قال لي
نصيبك خلص
شوف بياع تاني
يا عمنا ازاى...
مش صعبان عليك
حالي
مش حاسس بظروفي
ليه...
وليه الصبر عندك غالي
وليه...
حايشه عني
أنا صعبه أوى حالتي
ليه...
يا بياع الصبر
جمد قلبك على
وجعي
إسمع بقى يا ابني
صبر ما عنديش
شوف حالك بعيد
عني
والصبر عندى
يادوب
على قد وجع
جرحي
يعز عليا طلبك
لكن صدقني مش
عندي
والحال من بعضه
أجيب منين لو
خلص صبري
طاب أروح لمين..
ومين يرحمنى
محتاج الصبر يا خلق
حد منكم يلحقني
جوايا وجع
والجرح فى صدري
محتاج صبر ناس
أداوي جروحي
الفراق صعب
والعزم ضعيف
مافيش غير الصبر
ينفعني
ليست هناك تعليقات:
إرسال تعليق