#مصرية
سألتني من
أي بلد يا
صبية؟
ولمحت دمعة
جوا عنيه!
قولت لها :-
أجمل ما في
الحياة وأم
الدنيا ديا.
الفرح بان
عليهاوقالت:-
الله عليكي
يابنيه وعلى
أرض الخير
والحرية.
ياما اتمتعت
بجمالها ورجعت
لها من شربة
ميه.
رجعتيني لأيام
مأثرة فيا.
وإحساس دايما
مليني بحن لها
كل شويه.
لكن قوليلي :-
ليه الدمعه ف
عينك مداريه؟
قولت:- لما
تيجي سيرة
بلدي بحس
بشوق وحنية.
حبها بيجري
في دمي و
غالية كتيرعليه.
بحب حروف
إسمها أكتبه
علي بردية.
أرسم علم
وألونه برمش
عنيه.
أحمر لون
دم شهيد
إدالها روحه
هدية.
وأبيض قلب
ولادها الطيبة
الأبية.
و إسود علي
كل ظالم يتمنى
لها الأذية.
ولما بفتح كتاب
التاريخ ألقاها
في سطوره
مرويه.
وفي الجغرافيا
أقدم بلد على
الكرة الأرضية.
عرفتى ليه
الدمعة جيه؟
قالت:-
والله عندك
حق يا مصرية.
إنتي بجد
وطنية و بحبك
ليها عفية.
تسلمي وتعيش
بلدك يا وفية.
ليست هناك تعليقات:
إرسال تعليق