جريدة الأسرة العربية _" لغات الحب الخمس للأطفال"_ بقلم الباحثة والأخصائية النفسية/ أمنية رضا

                    

   "لغات الحب الخمس للأطفال "

الحلقه الثانيه

من سلسله "لغات الحب الخمس لأطفال "

ماما أحضنيني  😊

(فاكرين  أول مقال ولا نسيتوا)   🙄

هنبدأ بأول لغه حب وهي :

لغة " التلامس الجسدي "

 -الطفل اللي لغة حبه التلامس الجسدي , بيكون اكتر حاجه بتحسسه أنك بتحبه هي اللحظات اللي بتلمسه فيها  , سواء بقا بالحضن او البوس او انك تلعب معاه مصارعه 🤕 او تحدفه في الهوا وتمسكه او ( ماتمسكوش براحتك )😆 .....

هو  المهم عنده جداً ان جسدك يلمس جسده ،فتره كبيره من يومه ، عشان يشعر بحبك وأهتمامك وتملأ خزان العاطفه عنده .

 *هنقسم بقا كل لغة حب لعدة مراحل ،

وهنوضح كل مرحله ازاي نتعامل معاها  :-

1/ ما قبل المدرسه :-

في المرحله دي هنهتم

 بالأحضان والقبلات 🥰

 (وخصوصاً وقت الاكل والاستحمام وتغير الملابس والحفاظات )

 وأي العاب عن طريق التلامس  (الزغزغه  والحصان ......)

ونهتم بالتلامس خارج المنزل ، وأمام أي شخص غريب أكثر  عشان في الوقت ده بيكونوا  خايفين  فنحسسهم بالأمان دائماً 

2 /مرحله الطفوله :-

الأطفال بيبقوا محتاجين احضانكم وقبلاتكم ولمسكم طول الوقت.

وهيفرق معاهم جداً لو حضنتوهم كل يوم قبل ما يروحوا المدرسه ، وأول ما يرجعوا من المدرسه ،

او  أي مكان عموما بيبعدوا فيه عنكم سواء نادي او ملاهي او........ ،

 يفضل أول ما تقبلوهم  تحضنوهم وتبسوهم دا بيفرق معاهم جدا وبيفرق كمان في مستوي تعلمهم وحالتهم المزاجيه على مدار اليوم  .

بس في اطفال بيبدأ يظهر عندهم من 7 الي 9 سنين  ما يسمى 

ب ( المقاومه للتلامس الحنون  )

وبتكون  عند الولاد اكتر من البنات  ،

يعني  بيبقوا حاسين انهم كبروا بقا علي التلامس الحنون وعايزين تلامس برضوا بس اكثر قوه يقدروا يطلعوا فيه طاقتهم زي المصارعه و كره السله والقدم .....

ولا يمنع التلامس الحنون كل فتره باللمس علي الشعر أثناء اللعب أو علي الكتف أو التصافح باليد وهكذا .....

ولكن لو كان  طفلك مريض أو في لحظات حزن او فشل أو مشكله يفضل طبعاً  التلامس الحنون المباشر  خلال هذه الفتره .

3/مرحله المراهقه :-

بيبدأ طفلك في مرحله  المراهقه بالشعور  بتقلبات مزاجيه وانفعاليه ،

 وممكن جداً يشعر بعدم الرغبه بالتلامس الجسدي خارج المنزل او أمام الاخرين  .

وممكن لو انت متعود تحضنه  تلاقي منه رد فعل سئ....

دورنا اننا نفهم تقلباتهم ونعرف نتعامل معاها صح .

 هما بيبقوا عايزين يحسوا انهم كبروا خلاص مش أطفال...

 لذلك الافضل في هذه المرحله ، عدم لمسهم خارج المنزل او امام الاخرين ، الا إذا بدأ طفلك هو بالتلامس فبتكون دي علامه  أنه علي استعداد للتلامس الجسدي الآن .

واذا انت حاولت تلمسه خارج المنزل او أمام اي شخص غريب  ووجدت منه رفض يجب علينا احترام رفضه وتفهم مشاعره جيداً  .

 و للأسف في مفهوم خطأ عند بعض الناس ان البنات لا يفضلون لمس أبائهم،

  والأولاد  لا يفضلون لمس أمهاتهم ، في مرحله المراهقة .

ولكن هذا خطأ تماماً 

بيحتاج الأولاد في المراهقه للمزيد من التلامس الجسدي من الجنس الاخر  ، حتي نملأ خزان العاطفه لديهم . ولا يكونوا  بحاجه لأي شخص خارجي يشعرهم بالحب الذي يحتاجون له.

وهيكون من الافضل أننا نحضنهم ونقبلهم ( الأب والأم معاً )   عند خروجهم وعودتهم للمنزل .

ولو كان يومهم صعب ومرهق قدموالهم الدعم والتلامس الجسدي عن طريق مساج للرقبه والكتف هيكون كافي جدا انه يوصلهم حبكوا واهتمامكوا ودعمكم....

اذا كان طفلك لغه حبه التلامس الجسدي  مهما كان عمره يفضل الاهتمام  ب

1- عدم العقاب بالضرب مطلقاً لانها تكون بالنسبه لهم مدمره لكل لحظات  الحب  التي قضيتوها معاً وسيفقد الثقه فيك  وفي حبك له.

2-عندما تعاقبه اذهب له واحتضنه ليعرف انك  مازلت تحبه

3-اشتري له هدايا تكون ذات ملمس ناعم  مثل وساده او دبدوب او غطاء ملمسهم ناعم.

4-عندما  يكون هناك مناسبه خاصة  دع العائله كلها لحضن  جماعي  فهذا سيشعرهم بالمزيد من التلامس الجسدي  و المزيد من الحب.

5- عندما تشاهدون  التلفزيون  او المباره او تقرأون القصص أجلسوا  بالقرب منهم وعانقوهم.

6-مارسوا الالعاب الرياضية التي تتطلب التلامس الجسدي معاً .