هتخس من غير ماتحس!!!!
هتخس من غير ماتحس اكتر حاجه صعب نصدقها ،لان بمجرد بداية التفكير فى الدايت بتحس بجوع شديد جدا وانت لسه مابداتش ،وانظمه كتير تمنع النشويات وانظمه تانية تحسسك باليأس وانك مش هتقدر....
لكن!!!
د.بيشوى بفريقه كسروا كل المفاهيم الغلط عن الدايت ،ساعدوا ناس كتير خست بجد ، مافيش معلومه مش بيقولوها.
معانا الدكتور/ بيشوى نان نصيف
اخصائي العلاج الطبيعى والتغذية العلاجية بمستشفى جرجا العام بسوهاج.
الحاصل على دبلومة التغذية العلاجية جامعة عين شمس.
دبلومة التغذية التطبيقية جامعة القاهرة.
مؤسس جروب "هتخس من غير ماتحس" على facebook
صرح دكتور/ بيشوى لجريدة الاسرة العربية :
إن فكرة الجروب فى البداية كانت طريقة للتواصل بيها مع الحالات المتابعه معاه.
بعدها بدأت انزل انظمة غذائية وشرح لمواضيع مهمة.
بعدها انشغلت فترة تعبى وعلاجى ولكن الفترة ماطولتش لانى استغليت الفترة اللى فاضى فيها انى اتابع مجموعات من الحالات اللى عاوزة تخس...
بعدها الجروب ابتدى يكبر واعتبرتها خدمتى لان النصب فى مجال التغذية كتير والتأليف اكتر وبالنسبة ليا المعلومات مش حكر على حد بالعكس ربنا يحاسبنا لو خبينا معلومة ممكن تفيد حد بيها؛ والجروب بداء ب٢ ادمنز(ايرينى و ديانا) ولما ابتدى الجروب يكبر انضم لينا (رشا و ايمان و مريم و مارينا و جانو).
وكمل د/بيشوى:
حقيقى الجروب كله معتمد على الادمنز اللى ليهم كل الفضل وخصوصا ايرينى (الشهيرة برونا) وديانا هم اللى اتأسس على ايديهم الجروب وبعدهم طبعا باقى الادمنز اللى بيعتبروا الجروب بيتهم التانى وخدمتهم.
وحقيقى مع الممارسة فهموا التغذية كويس جدااااااا وبعتمد عليهم اعتماد كبيييير.
اكترحاجه بتفرحنى لما بشوف حد بيدعى لنا انه غير حياته للاحسن وخف من امراض كتير نتيجة نزول وزنه مش هدفنا نزول وزن بس هدفنا نتعلم تغذية صحيحة للبيت كله.
اكتر حاجه استغربتها اول ماانضميت لجروب دكتور بيشوى هى كمية النشاويات فى الانظمه اكتر من اى نظام استخدمته وجربت نظام دكتور بيشوى وفعلا خسيت ٨ك فى شهرين ومن غير مااحس بأى جوع.
د/بيشوى بينزل انظمه كتير (لكل وزن نظام بعدد سعرات محدد):
١-انظمه لشهر رمضان .
٢-انظمه صيام للمسيحين.
٣-انظمه للايام العادية.
نرجع تانى لدكتور بيشوى بسؤال عن رأيه فى ادوية التخسيس المنتشرة على facebook?
د/بيشوى: اكبر غلط وخصوصا المنتشرة على النت لان الادوية مكانها الطبيعى عند الدكتور وفى الصيدلية ومش اى دوا ينفع مع اى حد.
سألنا دكتور بيشوى عن رأيه فى نظام الكيتو؟
د/بيشوى:نظام الكيتو هو نظام غذائي فى الاساس لعلاج مرضى الصرع ولما لقوا له نتايج سريعة فى نزول الوزن تم استخدامه للتخسيس....
وهو نظام غير صحى ومكلف ولا يصلح كاسلوب حياه اقصى فترة من ٣شهور:٦شهور.
وبيرفع دهون الدم والكوليسترول وانزيمات الكبد والكلى فى بعض الاحيان واحيانا اخرى الاصابة بالكبد الدهنى للاعتماد على الدهون والبروتينات بنسبة عالية.
ونرجع بسؤال جديد عن انظمة منع النشويات؟
د/بيشوى: ما ينفعش نمنع النشويات لانعا مصدر اساسي لغذاء خلايا الجسم ومصدر للطاقة لما بنمنعها او نقللها عن احتياج الجسم بيأثر على معدل الحرق.
سؤال اخير لدكتور بيشوى محتاجين نصايح خلال فترة الحجر وقلة الحركة.
د/بيشوى:ناس كتير من اللى متابعة معانا ومركزة خست كويس فى فترة الحجر .
قلة الرياضة بنعوضها برياضة فى البيت منها تمارين المشى فى المكان او تمارين( 5 ميل) موجودة على الجروب..
ممكن اى حد فى اى وقت يعملها لمدة نص ساعة كافية جدا ولا تؤذى العظام.
الكلام مع دكتور بيشوى مفيد جدا وباذن ربنا هنتكلم اكتر فى مقالات جديدة و بنشكر دكتور بيشوى انه كان ضيف جريدة الاسرة العربية .
دى دعوة للكل يخس وينزل وزنه والاهم يبقى لينا نظام تغذية سليم .
نقدر كلنا نتابع الانظمة ...وبجد...هنخس من غير مانحس
ليست هناك تعليقات:
إرسال تعليق