الطبطبه ملهاش لازمه بعد ما المشاعر بردت
مالوش لزوم الطبطبة اللي جت بعد التعافي ، ولا ليها لزوم الرأفة والرحمة اللي وصلتنا بعد ما خلص الوجع...
ولا ليها قيمة المواساة اللي حصلت بعد صِراع كبير مع الحُزن ...ولا له لزوم اصطناع الدفء لقلب شِبع من البرد ...
ولا له لزوم اهتمامك بعد ما خلصت معركتي مع نفسي....
مالهوش لزوم سؤالك وعلاجك بعد شفائي ....ولا له لزوم انك تحاول تثبت لي إنك معايا وجنبي وتحاول تسندني بعد ما وقفت وسندت نفسي بنفسي .
التأجيلات هي إحدى كوارث الدُنيا زيها زي اهداء الورد على قبر الميّت ...
لا الميّت شافك ولا شاف الورد ولا حسّ بوجودك حوالين مقبرته من الأساس .
الاحساس اللي ما يجيش في وقته ..مالوش لزوم ولا عوزاه منك
الاهتمام لو ما حصلش وقت ما كانت محتاجه ليك ...وفّره ...عشان فعلاً ضاعت قيمته .
الطبطبة لو ما جتش وقت الضعف والاحتياج ..مالهاش لا طعم ولا أهمية .
الخوف والقلق وانك تسبق الظروف عشان تبقى معاها وفي ضهرها ...لو ما حصلش وقت الشدّة ...مالوش معنى ولا ليه فايدة.
في حاجات لو ما حصلتش في وقتها .. أصبحت لا تسمن ولا تغني من جوع .
ليست هناك تعليقات:
إرسال تعليق