يوم فرحي .💛
موضوع اني افتح دولابي و الناس تتفرج علي هدومي ده مش هيحصل ، انتوا جايين تباركولنا مش داخلين معرض موبيليا .. محدش يقولي ده جابلي شبكه كذا وانتي شبكتك ايه ،، انا مش هتجوز شبكه حضرتك كفايه عليا دبله من الشخص اللي فضلني
عن كله واختارني لما اكون مخنوقه مش هقعد أتكلم مع الشبكه ومش هفضفض للغويشه الدهب .. مش هجيب 100 بيجامه قطيفه و 50 مشجره و 100 عبايه ده بيتي مش حمله كساء هجيب الحاجه اللي محتجاها بس واللي بحبها مش لازم ابقي زي حد .. مش عايزه اوضه نوم من اخشاب السافانا الموجوده في الغابات الاستوائيه المطليه بمايه الدهب ، عايزه سرير عادي ده سرير وده سرير علي فكره ..مش عايزه شقه بمليون جنيه 7 أوض و 3 ريسيبشن و 2 حمام و 17 بلكونه .. انتوا بعد الفرح هتمشوا واحنا اللي هنكمل مع بعض فياريت نختار اللي بيريحنا احنا علشان دي حياتنا احنا و لما نتخانق ولا الدهب و لا النيش ولا طقم الكاسات اللي هيرجعونا لبعض حبنا هو اللي هيرجعنا مهما بعدنا .♥
اختارو صح ومتفكروش ف شكليات ♥
ليست هناك تعليقات:
إرسال تعليق