باقى أيام
باقى أيام ونقول أهلا رمضان ...
يا عالم مين فينا السابق للجنة للريان...
ومين فينا هيلحق يكون صائم وقائم....
ما هى ساعه الوفاه بتيجي فجاءة بدون حسبان.
ولا ينفع معاها جمال ولا مال ولاعيال.....
يا ترى هانول الرضا من رب العباد وأكون فى الأمام...
وصلاة الفجر والقرأن هيكون لي فيها عنوان....
يلا بينا يا اهلي يا حبيبى نسارع ونسامح كمان...
ما هى الدنيا مش مستأهله نطلع منها بخصام...
شوف بعينك كام وآحد غاب صغار وكبار........
وكام واحد كان فاكر هيعيش أعوام........
خلصانه يا ولد عمى من زمان......
الباقى ربنا الغفور الرحمن ....
وكمان أسمه الجبار ....
حانت لحظات أجيال...
ما كانت فى الحسبان....
وأنا ناوى والنيه ليها أجر عند الرحمن....
أسامح وأصالح وأتوب وأشد العزم والهمه واللجام ..
أنا فارس وطامع فى القرب والوصال ...
ما هى جنة الرحمن عروس تستأهل أفعال....
مش بس كلام وأعتماد على تسويف وإتكال ...
النيه ليها أجر يا ولاد الحلال ...
يلا بينا ننوى والعمر بيد الرحمن ...
لو حانت اللحظة قبل الآوان ....
هتلاقيها فى دفاتر الملَكان ....
وتمسكها باليمين وتحمد المنان....
ليست هناك تعليقات:
إرسال تعليق