جريدة الأسرة العربية _ بدون مقدمات _ بقلم الكاتبة / سارة الدقن

                           

  ((بدووون مقدمااااات))

40 نصيحة مهمة جدا لكل أم ايامها كلها " صووووووويت علي أولادها .. 😏 😱

🙈🙈ماتصوتيش يا ماما لو سمحتي🙆🙆

١) العيال بيوسخوا البيت عادى تقبلي الفكره سبيهم يلعبوا و نضفي بالليل و#متصوتيش😉😅

٢) المواعين ممكن تستنى لكن ولادك هيكبروا و مش هيستنوكي اقضي معاهم وقت و#متصوتيش🍝🍳

٣) فكره ان الطفل التخين سليم و الرفيع عيان دي انتهت كفايه نفخ في العيال🍟🍕🍫

٤) ابنك ممكن يبقي بطل عالم علموه رياضه مفيده " العقل السليم فى الجسم السليم💪🏻🧠

٥) عزيزي الاب مبروك عندك عيال يا ريت تتفضل معانا🏃اهتم بيهم شوية😂

٦) البنت زي الولد ماهيش كماله عدد نظريه اكوي قميص اخوكِ خلصت من الخمسينات "يعتمد على نفسه"❤👍ده هيفتح بيت بكره😊

٧) ابنك بيرد عليك عشان اول حاجه اتعلمها تف على عمو يا حبيبي "بديهي" ومتصوتيش😀

٨)  بلاش جو المعتقلات في المذكره بالهداوه "وحبيبهم فى المذاكرة بتغير الروتين كل مرة وبرده متصوتيش😲🌸

٩) بلاش الترهيب والتخويف والعفريب هيجيلك وهديك الحقنه والجو ده🙆🏼

١٠) ولادك احتمال يطلعوا لابوهم الي هو اختيارك اصلاً فبلاش نعايرهم كل شويه انهم زيه و#متصوتيش😯😅

١١) متضيعيش عمرك في خلطة الفراخ السريه الاطفال بتاكل اي حاجه لو كانوا سعداء و بيضحكوا وبرده متصوتيش🍗🍗

١٢) المدرسين بياكلوا عيش كلامهم مش قرآن انت بس الي هتعرفي ابنك فاهم و لا لا وبرده متصوتيييييش🌼✔

١٣) في اماكن تانيه على الارض غير بيت والدتك و حماتك يا ريت العيال تشوفها🌱🎉

١٤) المشاعر اهم من الطبيخ و الشغل واللبس😩😍

١٥) صحيان الصبح متعب لكل انت كمان بتكوني تعبانه فبلاش صويت في العيال هما مش سمعينك اصلاً وبرده متصوتيييييييييببيبش😣😷

١٦) ولادك بيتكلموا و نوعهم انسان يعني عنده مخ و يقدر ياخد قرار اديله فرصته ومتصوتيش

١٧) الحواديت حاجه مفيده مش هيافه👬

١٨) ابنك هيبقي راجل لو اتعلم صح👤

١٩) الوجبات السريعه مضره و تؤدي الى الامراض "مش شياكه اطلاقاً"🍔🍮🍕

٢٠) المفروض الاستحمام للاسترخاء انما دعك المواعين دا افترى🛀🛀

٢١) صوتك العالي دليل على ضعف موقفك وبجد متصوتيش😲

٢٢) الرسم مش تضيع وقت دا ابداع و الحيطه بتتغسل عادي جداً✏✏

٢٣) الهدوم قابله للغسل و اخترعوها عشان تتوسخ متصوتيش

٢٤ ) الهدوم للراحه مش للمنظره

٢٥) ابنك عنده وجهه نظر يا ريت نسأله عن رأيه واصبرى متصوتيش👼

٢٦) بلطجه ابنك مش مصدر للفخر اطلاقاً دي مصيبه😱😱

٢٧) ابنك مش زي ابن اختك و مش هيكون زيه😶

٢٨) ولادك ممكن يصاحبوا ناس غير ولاد اصحابك عادي و يعيشوا😉

٢٩) اصحاب ولادك مش سبب مشاكلك ،الانحراف استعداد، عالجي ابنك بدل ما نعلق فشالنا على الناس

٣٠) التربيه حوار و الحوار هو انك تتكلم و تسمع مش انك تكر كلام وبس وبعد كده متصوتيييييش

٣١) الاطفال بيقلدوا الي بيشوفوه مش الي بيسمعوه

٣٢) اتفرج على الكرتون هتتصدم من الي ولادك بيشوفوه اقعد معاهم و وجهم ومتصوتيش🎅🎅

٣٣) عزيزي الاب تعاطفك لوحده مش كفايه👤💂

٣٤) الاطفال مش مزعجه الاطفال مكبوته🙋🙅

٣٥) الخطف بقى ظاهره ركزوا مع اولادكم في كل خطوه

٣٦) الفرق بين طفل و التاني اهتمام واستيعاب ومتصوتيش

٣٧) ابنك مواليد القرن ٢١ و انت من ٢٠ في فرق قرن يا ريت ننسى تربيتك و نتطور بقى ومتصوتيييش

٣٨) بلاش اساطير هعلقك و هطلع عينك خلي تهديدك واقعي👉👈👇👆

٣٩) النوم للراحه و الاحلام بلاش حفله تعذيب كل ليله ،شويه حواديت هتكون اظرف😴😴

٤٠) عزيزي الاب منور ممكن انت تصوت معانا شوية.👤👻

،، حاولي متصوتيش يا ماما لو سمحتي ،، 🌷💪