معركه الصيفي والشتوي
الستات المصريه هذه الفتره تمر بحاله تستحق من الجميع الدعم
انها باساده فتره قلب الدولاب بين الصيفي والشتوي
طبعا كلنا عارفين انها بتكون فتره صعبه علينا كلنا ان نشيل اللبس الشتوي ونطلع مكانه اللبس الصيفي وطبعا الله يكون ف العون ،
بس احب اقولك شويه نصايح ممكن تفيدك في المرحله دي ،
♥️ الجواكيت الجلد والجيب الجلد واي لبس جلد لازم يكون في الدولاب زي ما هو ، بلاش نشيله مع اللبس الشتوي خصوصا لو بتشيلي في شنط سفر ، لما يجي الشتا وتطلعيه هيكون باظ تماما وحرام لان الحلد غالي ، الجلد بيحب التهويه ف نصيحه مني سبيه مكانه زي ما هو
♥️ الجواكيت الجينز بلاش تتشال لان الجاكيت الجينز مفيش حد بيسغني عنه في اي موسم خصوصا انه بيكون الصديق الوحيد ايام الخريف والربيع وكمان لما بنسافز مصيف بناخده بليل لما الجو يبرد شويه
♥️ لو بتشيلي الملابس بتاعتك في شنط سفر او فوق الدولاب او اي مكان بعيد وصعب بلاش تشيلي كل السويت شيرت في الدولاب دايما يكون حاجه تقيله شويه لاي ظروف او لو الشتا جيه تطلعيها تقضي الفرض لحد ما تعملي المعركه دي تاني
♥️ اللي عندهم اولاد ، يفضل الرف الاخير او الاول البعيد نحط فيه جاكيت وبنطلون تقيل او طقمين تلاته شتوي لان الاطفال اوي ناس بنتقل لهم ولاي سفريه او اي ظرف ما ، ونفس الحال للبيجامات ياريت نسيب بيجامات خريفي
♥️ لو عندك شنطه شمواه او قطيفه او خامه شتويه بلاش تتشال في شنط تحت السرير او فوق الدولاب ممكن نحطها ف الكافر بتاعها او كيس قماش وتكون ف مكان بيوصله تهويه
♥️ لبس الاولاد الشتوي ياريت يكون ف اقرب مكان ليكي
♥️ ممكن نحط جوه الشنط دي اي حاجه عطريه
♥️ لو هتحطي اللبس الشتوي تحت السرير ياريت يكون ف شنط محكمه وياريت لو في مكان غير تحت السرير افضل لان لو حصل مره تنضيف شقه ب مياه زياده او لقدر الله اي حاجه تحصل ف المياه وانتي مش ف البيا للاسف اللبس كله هيبوظ لاقدر الله
دي كانت شويه نصايح لمعركه الصيفي والشتوي واشوفكم ف مقال جديد
ليست هناك تعليقات:
إرسال تعليق