الاخلاق وتربيه البنات.... بقلم حنان أغا

 في الفتره الماضيه لحد امبارح بالليل كنت ف احدى الكافيهات المعروفه ف مصر الجديده ومما احزننى تواجد البنات بالمنظر ده
ولوقت متأخر من الليل .... لكل ام ازاى تسيبى بنتك وانت متعرفيش اعده مع مين ولا بتعمل ايه وصحابتها شكلهم ايه ونجى نجيب اللوم ع الشارع وع المجتمع انتى كل المجتمع لحد سن معين وبعدين تبقى جزء كبير منه

 اولا متسمحيش لبنتك تلبس لبس ملفت ولا تسيبها تسهر بره البيت علميها ان مهما عاصرنا التكنولوجيا البنت بنت والولد ولد والعيب هو العيب متغيرش والصح عو الصح متأثرش علميها ان التحضر والتمدن ف العقل وليس اللبس والسهرات والضحك بصوت عالى والكلام اللى لا هو مؤنث ولا مذكر وف الغالب بيبقى مذكر بتنسبيه لنفسك

 علميها ان مش بالضرورى تشتم بالفاظ خارجه صاحبتها عشان تحسس الجميع انها الانتيم بتاعتها علميها ان الحياه حياء قبل ماتبقى حياه علميها ازاى تصون نفسها وعرضها وده هيتوقف ع نظرتها للحياه 
ازاى علميها ان الادب اهم من كليات القمه Auc علميها ان تحب دينها الاول عشان تأمن بيه قبل مايكون مجرد ملئ خانه ف شهاده الميلاد بتاعتها علميعا ازاى تبقى انثى مهذبه الشكل والشاكيله وهى التصرفات علميها ان الصوت العالى عيب ميصحش بيلغى انوثتها وان الضحك بصوت عالى قمه قله الادب والوقاحه وان كل ماسترت جسمها كل مابقيت اعف واحلى واجمل قوللها ان الستر بيذيدها جمال لان دايما المستور غالى وعزيز
 فهميها الحب مش عيب ولا حرام بس بدخول الراجل لبيت ابوها ويعززها ويغليها فهميها معنى الجواز انه بيت وسكن وموده ورحمه ومسئوليه مش فرح ورقص واصحاب لبسين لون واحد وراقفين حواليها زى الملايكه لاء  وياريت تفهميها ان الرقص بالمنظر ده ف فرحها مش حلو لاء تهدى هى عروسه مش رقاصه تفرء والله وقوللها كمان ان الراجل اتقال قال عنه سيدنا النبى ان لو امر المرأه تسجد لغير الله لسجدت لزوجها مش عيب لو كان يستحق
 فهميها ان الحياه التانيه ف بيت جوزها تستحق ان قبلها تختار راجل بعقلها وبعدين قلبها وليس العكس وانتى بتعلميها كل ده بالله عليكى اكدى ان شرب الشيشه منظر سئ جدا جدا جدا ميصحش ده انت بنت وانثى لازم تكونى رقيقه كالفراشه واكدى عليها انها بتصغر اوى ف عيون اى حد يشوفها حتى لو كل اللى حواليها كده لكن المحترمين مش هيشوفها كده 

فهميها كمان ان ف وصايا لازم تعمل بيها ف بيتها وصيتنا عليها السيده عائشه زوجه النبى اعدى معاها واحكيلها سيرتهم العطره وتوصيتهم لنساء المسلمين ف حياتهم التانيه ف بيت ازاواجهم اعيدى سير الانبياء عليها بشكل دائم ف صوره حكايات خفيفه رسخى ف عقلها العيب والحرام والصح والغلط 
 عرفيها بالله عليكى انها صوره مصغره منك بره البيت يعنى يا دعوا ليكى بحسن التربيه او لعنوكى بسببها وعرفيها ان السوشيال ميديا اتعملت عشان ننفتح ع العالم ونعرف الدنيا ماشيه ازاى مش للتفاهه والاشاعات ونشر مايسئ ليها وليكى قبل منك ازرعى فيها العيب والصح عرفيها انها تاخد من الموضه المجنونه اللى يليق بيها شكلا وموضوعا وليس براند وماركات عالميه بتناسبهم ولكن لا تناسبنا 
وكمان لازم تعرفيها ان لبس المدرسه او الجامعه شئ لازم يحترم وكمان عرفيها تقول شكرا ومن فضلك ولو سمحت واسفه وحقك عليا ومقصدش عرفيها لغتنا اللى انقرضت واتحط مكانها الفاظ مش بتاعتنا ولا تمت لنا بصله واخيرا البنت امتداد لامها فكونى ايتها الام مثال عملى لبنتك فهو اقوى الدروس ليها منذ اول سنه ف عمرها واخر واول الاشياء الصلاه خليها تصلى جنبك وتشوفك وتقلدك هترتاحى .