مهرجانات ! _
الحقنى يا عمده _
مالك يا جملات جاية مفزوعة كده _
مرزوق يا عمده _ماله مرزوق،انتحر ؟ _
دا احنا اللى هننتحر من عمايله جمع الشباب كلتها فى ساحة الكفر ولابس لبس مقطع وقال ايه عامل فيها مطرب مهرجانات _
يا سنة أبوه السودة فى بلدنا مهرجان؟! _
أودى وشى فين من سى عبد الوهاب والست أم كلثوم _
فوتى يا بت قدامى _
شفت يا عمده أهو قدامك على المسرح بيتلوى زى اللى قرصه تعبان!
_اسكتى انت شوية لما نشوف المطرب والملحم ! الكبير بتاعنا بيقول ايه .
هاى كفر ،واو يا شباب انتم حقيقى هايلين، الأغنية اللى جاية دى نار نار كله يخلع الشباشب ويرفع ايده لفوق،علشان فيها تنطيط كتير.
خش فى حضنى خش
تعالى خد لك دش
يالا تعالى فايزة
عندنا ليك جايزة
لحمة وفراخ وفيش .
........ هُش هُش منك ليه انت وهو!
_العمده! _أيوه العمده يا وله،وكمان عامل يافطة (مرزوق مهرجانات!) يقولوا على إيه أهالى البلاد اللى حوالينا عمدة كفر الفرافير!
وبعدين ايه الكلام اللى ملوش معنى ده إنك ما قلت جملة مفيدة. _دا لون وطرب يا عمده! _
اخر قطع لسانك ،أوعى تقول طرب ممكن يكون لون، واحنا السبب من البداية ،والغلط غلطنا اللى سمحنا لكم بالإنتشار ،لما أشوف نقابة الغم ليا كلام معاهم! وانتم يا أهل الكفر عاجبكم مناظركم دى ،راضيين على الكلام الفاضي ده هتبقوا قدوة ازاى قدام عيالكم لما تكبروا غنوا وانبسطوا مش همنعكم بس نقوا الكلام واعملوا حسابكم الزرع زرعكم انتم اللى هتحصدوه !!
ليست هناك تعليقات:
إرسال تعليق