اهلا وسهلا بكل متابعينى انا في البوست الي فات عرفتكوا اسباب تساقط الشعر وازاي نحدد السبب دلوقتي بق هبداء في العلاج💃🏾
اولا🤔لو طلع مشكله انيميا او مشكله طبيه لازم نتعالج مع دكتور ثانيا💃🏾حتي لو مش طبيه لازم ناخد فولك اسد ده كويس اووي للتشابك وتقصيف الشعر وكمان ناخد زنك طبعااا معرف بفوايده للشعر ويسلام بق لو ندلع نفسنا🌹وناخد بايوتين. -
طيب اخدنا كله ده وسبب التساقط القشره هنعمل ايه🤷♀️🤷♀️ لو في القشرة دهنية يبقي تبعدي عن الزيوت و تكتفي بالماسكات و حمامات الكريم مع شامبو قشرة لحد ما تروح و بعدها نبدأ حمام الزيت -لو قشرة جافة 🤷♀️يبقي حمام الزيت عادي لانه بيقوي بصيلات الشعر نفسها وو ممكن كل شهر تزودي شوية ملح علي الشامبو و تدلكي فروة راسك بعدين تكملي حمامك عادي -
افضل حاجك للتساقط و الانبات هو زيت الخروع مش هتحتاجي اكتر من نقطة لانه تقيل و تخففيه لوز او زيتون و علي فروة راسك بس و ممكن باقي الشعر بزيت جوز هند متخفف او لا براحتك و غطي شعرك ببونيه و لو عندك بونيه حراري البسيه نص ساعة قبل غسيل شعرك، و الكلام ده علي شعر مغسول بشامبو بس من غير بلسم و لا حمام كريم و لا سيرم عشان بيبقي معظمهم في سيليكون و معلش مرة في الاسبوع تستحمليها هما ساعتين و بعدين تغسلي شعرك -
طب السيليكون ده ماله،😱 بصي هو بيعمل طبقة عالشعر فاي ترطيب او تغذية و شعرك عليه سيليكون مش هتوصله لان الطبقة دي مغطياه و مبيروحش بالماية لوحدها لازم شامبو في سلفات يدوبه. -طبعاا احنا بنغسل الشعر بالشامبو بس مش بنخلي الشامبو يوصل لفروه الراس وهنتكلم بالتفصيل عن الشامبو وطريقه غسيل الشعر في بوست تاني. -
كل اسبوعين هنحط علي كمية حمام الكريم حطي ربع بيضة ريحته مش هتبان متقلقيش و تعملي بيه ماسك لمدة ساعة او اقل حاجة نص ساعة و لو عايزة تزودي جل صبار لو مناسب لشعرك ومع الوقت هتعرفي ايه مناسب وايه لا 😊 -لو بتحبي حطي حاجة بعد الشاور سيرم خفيف او زبده شيا مخففه. - لو عايزة تحفزي النمو مساج لفروة راسك كل يوم خمس دقايق، وو مكن تعملي حاجة اسمها inversion method و هي انك تدلكي خمس دقايق و انتي موطية راسك 🙊كل يوم لمدة اسبوع فقط كل شهر، بس النقطة دي زيادة يعني لو حابة مش لازم👌 -اكلك وشربك هيقصر طبعا، يعني لازم مية كتير مش اقل من اتنين لتر في اليوم تزيد لتلاتة افضل كمان، و اكلك تزودي خضار زي الخيار و البقدونس و الجرجير و منتجات الالبان زبادي و لبن و بيض. ده شرح تفصيلي للتساقط وعلاجه اسفه لو طولت 😞😂بس الموضوع كبير وباذن الله هنزل دايما وصفات للشعر وللتساقط باااااي ياحلوين🤗🤗😘
ليست هناك تعليقات:
إرسال تعليق