كان ياما كان ياسادة ياكرام ولا يحلى الكلام الا بذكر النبي عليه الصلاة والسلام.... كان في مرة زمان بنت جميله وبتحب كل أصحابها وكل أصحابها بيحبوها كمان ❤️
في يوم من الايام البنت رجعت من المدرسه زعلانه ومتضايقة. مامتها سألتها؛ مالك ياحبيبتي ايه اللي مضايقك؟؟؟ ردت البنت على مامتها وقالت؛ ياماما اصحابي اللي بحبهم ومش بحب ازعلهم خالص بيفضلوا يتكلموا عليا ويسيبوني لوحدي وانا بازعل جداا منهم ☹
ردت ماما وقالت:ليه ياحبيبتي هيتكلموا عليكي ليه؟ انا عارفة انهم بيحبوكي ومحدش بيحب يزعلك. ردت البنت وقالت :انا عارفة ياماما لكن لما بشوفهم يتكلموا مع بعض بازعل أوي وبحس انهم بيتكلموا عليا وإن فيا حاجة غلط... سكتت ماما شويه تفكر ياترى تحل الموقف ده ازااااي!!! ماما قالت :هما اكيد مش عارفين تعالى انا وانتي مع بعض نحاول نفهمهم أن التصرف ده مش صح ونشوف كمان هما قاصدين يزعلوكي ولا لأ❤️
تاني يوم كانت البنت عندها امتحان ونجحت وماما قررت تعمل حفلة تعزم فيها كل أصحابها وفعلا كلهم كانوا فرحانين جدا بنجاح صاحبتهم.... لكن ماما لاحظت فعلاً أن في بنات بيتكلموا مع بعض وسايبين اصحابهم.. قررت ماما انها تجمع البنات وقالت لهم :انتم متعودين أن كل مرة بنتجمع فيها بنتعلم حاجة جديدة. البنات فرحوا جداً لأنهم بيحبوا البنت صاحبتهم وبيحبوا مامتها كتييير كمان مامة البنت قالت:
سيدنا محمد صلى الله عليه وسلم قال (إذا كنتم ثلاثة فلا يتناجى إثنان دون الآخر من أجل أن ذلك يحزنه) صدق رسول الله صلى الله عليه وسلم بنت من البنات سألتها :يعني ايه؟
ردت ماما وقالت يعني لو انتو اصحاب وهتتكلموا مع بعض، تتكلموا كلكم وماينفعش حد من اصحابكم يكون قاعد لوحده إعلان، لأنه هايحس أن الكلام عليه وهايتضايق جدا البنات فهمت الكلام. وقالوا:هما أوقات مش بيكونوا بيتكلموا على حد وبيكون الكلام عادي وعمرهم مااتكلموا على حد من اصحابهم. البنت قالت؛ بس انتو بتتكلموا مع بعض وتسيبوني قاعدة لوحدي وانا بازعل من كده جداً.. ردت البنات وقالوا :احنا بنحبك جدا ومش قصدنا نزعلك ونوعدك أن احنا هناخد بالنا بعد كده ومستحيل نزعلك، البنت فهمت ان أصحابها بيحبوها ومش قاصدين زعلها وهما كمان فهموا أن ماينفعش وانا مع اصحابي اتكلم مع بعض ونسيب حد من أصحابنا لوحدو زعلان وأصبحوا أصحاب حلوين بيحبوا بعض اوي وعمرهم مازعلوا من بعض 😍😍😍 وتوتة توتة خلصت الحدوتة وإستنونا في حدوتة جديدة مفيدة ❤️❤️❤️❤️❤️❤️
ليست هناك تعليقات:
إرسال تعليق