هنكمل سوا رحلتنا وتاخدنا اله الزمن لسنه ٣ ميلادية ونكمل رحلتنا:
٣-بلبيس: مدينة بلبيس فى محافظة الشرقية وهناك قعدت العائلة
المقدسة تحت شجرة عشان يرتاحوا من حرارة الشمس وبقى اسم الشجرة (شجرة السيدة العذراء) وبعد ماارتاحوا راحوا لمحطتهم الجديدة.
٤-سمنود: دخلت العائلة المقدسة منية سمنود اللى كان اسمها فى الوقت ده (منية جناح) وخدوا مركبه من هناك عديتهم النيل ووصلوا مدينة سمنود اللى رحب اهلها جدا بالعائلة المقدسة وقعدوا فترة هناك . وكان هناك كنيسة اثرية باسم السيدة العذراء لكنها اتهدمت وبانقاضها بنوا الكنيسة الجديدة اللى بقى اسمها (كنيسة العذراء والشهيد ابانوب)؛ وفى الكنيسه مجور كبير من حجر الجرانيت يقال ان السيدة العذراء استخدمته للعجن وهناك كمان بير اثرى استخدمته العائله المقدسة للشرب. بعد فترة سابوا سمنود وراحوا لمحطتهم الجديدة وفى طريقم عدوا على قرى كتير لغاية ماوصلوا الى ....
٥-سخا: خامس محطه زارتها العائلة المقدسة وهى فى محافظه كفر الشيخ وهناك اطبع رجل الطفل يسوع على صخرة وكانت الصخرة دى مخفية فترة كبيرة خوفا عليها من السرقة ومن سخا خدت العائلة المقدسة مركب عبرت به نهر النيل (فرع رشيد) ووصلوا الى .....
٦-وادى النطرون: وادى النطرون من اشهر الاماكن المسيحية ومن اديرته خرج عدد كبير من الاباء البطاركه هناك بارك الطفل يسوع اركانه الاربعه وهو فى محافظه البحيرة اتسمى وادى النطرون بالاسم ده عشان بيستخرج منه النطرون(الملح). وليه اكتر من اسم منهم"نتريا؛صحراء القلالى ؛برية شيهيت ؛ ميزان القلوب؛....." فى وادى النطرون اربع اديرة عامرة بالرهبان: أ-دير البراموس. ب-دير انبا مقار. ج- دير الانبا بيشوى. د-دير السريان. رحلتنا كانت طويلة انهارده استنونى الرحلة الجاية نكمل رحلتنا مع الة الزمن ونكمل سوا رحلة العائلة المقدسة فى مصرنا المحروسة اللى هنلفها حته حته.
جميلة جدا
ردحذفميرسي جدا
حذف