ماذا تعتقد عن نفسك ؟ ✏️رحاب سلام

انت ما تعتقده عن نفسك…
 الصوره اللي انت بترسمها عن نفسك هي نفس الصورة اللي انت بتصدقها، وبالتالي الصورة التي سيراها الناس منك… فمثلا اذا اعتقدت :

انك جبان، ضعيف، فاشل، هتتصرف بهذه الطريقه، وبالتالي سيصدقها الناس ،والعكس صحيح، اذا اعتقدت انك ناجح، شجاع، قوي، ثقتك في نفسك هتولد الصورة لنفسك ولكل اللي حواليك…

 فشعور الخوف، او الارتباك، او التوتر.. او حتي المشاعر الايجابيه ذي الثقه بالنفس او الفرح او القوة.. بسهوله بيظهر علي ملامح الوجه والجسم، وده بيخلي الناس تكون عنا صورة اما ايجابيه او سلبيه. الحل هو انك تغير الطريقه اللي بتكلم نفسك بيها، ف لو كان كلامك لنفسك دائما كلام إيجابي، بيذكر مواضع قوتك ،وبيركز علي ايجابياتك هيكون ده بمثابه الدرع الواقي لك أمام انتقادات الناس وسخريتهم لك. ممكن أن تحدد عدد من التوكيدات لنفسك وتحفظها في مكان سهل تشوفه يوميا :علي التليفون، بجانب السرير… توكيدات مثل : انا قوي… انا جميله… انا استحق… انا لا

استسلم بسهوله… اذا اتبعت الطريقه دي،، حتي مع زوجتك او أولادك او حتي فريقك في العمل ستندهش من النتائج اللي ممكن أن تجنيها بالتشجيع والكلام الإيجابي فيهم. يُقال ان والده صلاح الدين الأيوبي دائما ما كانت تناديه في صغره (يا فاتح القدس) حتي صدق فعلا انه البطل المنتظر،واصبح هو صلاح الدين الأيوبي قاهر الصليبين. واخيرا نظرة الناس ورايهم فيك هو نتاج نظرتك وكلامك لنفسك.