هل انت شخص واعي؟ بقلم رحاب سلام

 في الفترة الأخيرة ظهر مفهوم جديد اسمه (الوعي الذاتي) ،
وهو ان يكون الإنسان لديه من الذكاء ما يمكنه من التعرف على مشاعره وافكاره، والتحكم فيها، مما يساعده علي فهم مشاعر الآخرين وافعالهم.
ولكن ما هي مواصفات الشخص الواعي ؟
 1-الواعي شخص دائم التطور علي العكس من غير الواعي اللي بيرمي المسئوليه على الآخرين (ربنا خلقني كده، اهلي هم السبب، الناس والبلد والظروف..)
 2- الواعي لا يلعب دور الضحيه ولكنه يفكر في الحلول ع العكس أن غير الواعي شخص دائم الشكوي(هم السبب..)
 3-الواعي سريعا ما يتعافي من الاحباطات ع العكس من غير الواعي اللي بيستسلم للاحباط والزعل.(بيلاقي نفسه في النكد)
 4-الواعي بيعطي ولا يهتم بالنتائج (التوفيق بيد الله) ع العكس من غير الواعي اللي بيهتم جدا بالنتائج (مطمرش فيهم اللي عملته عشانهم...)
 5- الواعي بيقدر يشوف الحكمه في أمر الله (يعلم أن كل أمره خير) بينما غير الواعي لا يستشعر نعم الله عليه
 6-الواعي بيقدر نفسه ويحبها ولا يعتبر هذا انانيه بينما اللاوعي شايف انه شمعه تحترق من أجل الآخرين
 7-الواعي متفائل وبيقدر يشوف الإيجابيات لكن اللاوعي بيركز بس علي السلبيات (كله رايح.. )
 8-الواعي عارف إمكانياته كويس و بيقدرها اما اللاوعي بيصف نفسه بالصفات السلبيه (انا فاشل، مفيش مني فايده...)
 9-الواعي بيستمد تقديره لنفسه من نفسه اما غير الواعي بيستمد تقديره لنفسه من الناس (الناس بيقولوا عليا ايه ؟)
 10-اخيرا الواعي بيحدد أهدافه وبيعمل عليها اما الغير واعي فليس له هدف (غالبا هو جزء من أهداف الآخرين) وبعد كل هذه المواصفات.. هل تصف نفسك بأنك انسان واعي، ام لا واعي؟