اليوم احبائي قراء جريدة الاسرة العربيه هقدملكم طبق لذيذ ومشهي جدا وبطريقه بسيطه ومش مكلفه واوفر من المطاعم واجود طريقه عمل بيكاتا
الفراخ بالمشروم مع الشيف فاطمه 👩🍳
المقادير :-
كيلو فراخ بانيه
بصله مبشوره
مشروم فريش او معلب
دقيق مياه مغليه ويفضل شوربه
وكوب كريمه طبخ وجبنه رومي مبشوره
التوابل ملح فلفل اسود شطه زعتر روز ماري جنزبيل بهارات فراخ
كيس مرقه فوريه نص معلقه سكر صغيره..
طريقه التحضير :-
لعمل كريمه الطبخ في المنزل وهتوفر كتير نضع لتر لبن ونضيف له معلقه دقيق ويقلب علي البارد ثم نضعه علي النار ونستمر في التقليب وعند الغليان نطفي النار ونضع فيها تمن قشطه بلدي او علبه قشطه كبيره ونقلبها كويس لغايه لما تدوب ونغطيها بغطاء محكم لمده نصف ساعه
قبل الاستخدام وباقي الكميه تحفظ في زجاجه وتوضع في الثلاجه طريقه تحضير البيكاتا نضع معلقه صغيره من كل نوع مكتوب معلقه صغيره علي البانيه ونص معلقه السكر وعصرت ليمونه ومعلقه خل صغيره ويترك في التلاجه 3 ساعات لكي تتشبع من التوابل ثم نخرجها من التلاجه
ونعفرها في الدقيق بسيط ثم نضع معلقه زبده كبيره علي قليل من الزيت في طاسه ونضع البانيه في الطاسه ياخد صدمه ولون من الوشين ثم نضع البانيه في طبق ونضع مكانه في نفس الطاسه بصل مبشوره تدبل ونضيف لها المشروم ثم معلقه دقيق وتقلب جيدا ثم نضع لتر شوربه ساخنه او ماء مغلي وعند الغليان نضع قطع الفراخ البانيه ونضع قليل من الملح والفلفل الابيض والزعتر والروز ماري وبهارات الفراخ والجنزبيل وكيس مرقه فوريه وعندما تقترب من التسويه نضع كوب كريمه طبخ ونقلبها جيدا ونضع قليل من الجبن الرومي المبشور وتقدم معها رز ابيض او مكرونه وايت صوص والف هنا وشفا للي يجربها 👌 مع تحياتي شيف /فاطمه
ليست هناك تعليقات:
إرسال تعليق