قصة الأمانة- بقلم.شيماءأبوزيد

كان ياما كان ياسادة ياكرام ولا يحلي الكلام إلا بذكر النبي عليه الصلاة والسلام. كان في مره زمان أمير عظيم اسمه سلمان الأمير سلمان كان حاكم أمين وكل الناس بتحبه كان عنده عاده انه كل فتره ينزل يوزع
الهدايا على الناس في شوارع المدينة. ساعات يتنكر علشان يتفقد أحوال الناس وساعات ينزل بهيئته علشان يشوف الناس هتعمل إيه لما تشوفه . وفي يوم من الأيام وهو بيوزع الهدايا شاف واحد من البياعين بيغش في الميزان ووزع الهدايا على كل الناس إلا هو . البياع اتضايق جدا وقال : اشمعنا انا ؟!!! ما أهل المدينة كلهم اخدوا، الأمير ماردش عليه وسابه ومشي. وبعد ما وصل على القصر أمر بإحضار البائع. ولما وصل للأمير سلمان، سأله الأمير :ليه بتغش في الميزان؟ رد البائع وقال : مين اللي قاللك كده ؟! أنا مش باغش في الميزان!!!!! قال الأمير:موزع الهدايا هو اللي قاللي كده. قال البائع:انا عايز اشتكى موزع الهدايا أعطى كل الناس هدايا إلا أنا ! قال الأمير:الهدايا للأمين والصادق والمحب لوطنه وبلده دون مقابل... إنما انت غشاش بتغش في الميزان وبتضحك على الناس . ربنا سبحانه وتعالى حرم الغش في الميزان ونهي عنه في القرآن الكريم وقال : بسم الله الرحمن الرحيم (ويل للمطففين.الذين اذا اكتالوا على الناس يستوفون. وإذا كالوهم أو وزنوهم يخسرون. ألا يظن أولئك انهم مبعوثون. ليوم عظيم. يوم يقوم الناس لرب العالمين) صدق الله العظيم وسيدنا محمد صل الله عليه وسلم قال: (من غشنا فليس منا) صدق رسول الله صلى الله عليه وسلم والغش مش بس في الميزان انت كده هتعلم كمان أولادك يغشوك في مذاكرتهم وفي كلامهم معاك هتعلمهم يغشو في كل معاملاتهم لأنك قدوتهم عايز تشوف أخلاق ولادك بص في المرايا وشوف تصرفاتك هما هيقلدوك في كل خطوة انت بتعملها مش بس الغش في الميزان والغش كمان في المعاملات واستكمل الأمير كلامه وقال : استغفر ربك وأرجع إليه واطلب منه العفو عن كل ماسبق وأصلح من نفسك. اعتذر البائع عن تصرفاته وذهب إلى السوق وأصبح يوزع الهدايا على الناس بنية تعويض ما سرقه في الميزان وأصبح أكثر بائع مشهور في المدينة بالأمانة والنزاهة. واستغفر الله عن كل تصرفاته وعندما ذهب الأمير إلى السوق وجد كل الناس تتكلم عن البائع الأمين ومش بيشتروا أي حاجه إلا منه .فأمر الأمير بصرف مكافأة كبيرة للبائع على أمانته وتوته توته خلصت الحدوته واستنونا في حدوته جديدة مفيدة