المقادير
سبونج كيك جاهز
سيرب خفيف او اي عصير خفيف عشان نسقي بيه الكيك للحشو كريمه لباني وسكر بودره حسب الرغبه لتغطية الكيك قبل عجينه السكر نعمل كريمه الزبده لعمل كريمه الزبده ( كوب زبده طريه بدرجه حراره الغرفة
+ 2 كوب سكر بودره منخول كذا مره) عجينه سكر الالوان اللي في الشكل قطاعه علي شكل فراشه وقطاعه علي شكل ورده ولحشو الكيك اي فاكهه نحبها او فاكهه الموسم او مكسرات لو عوزين
الطريقه
نجيب الاسبونج نقسمه علي 3 طبقات ونسقيه بالشربات الخفيف او العصير الموجود وبعدين اضرب الكريمه اللباني بالسكر البودره وتكون الكريمه خارجه من التلاجه احشي بيها الكيك وفوقها احط الفاكهه اللي بحبها واكرر تاني في طبقه الكيك اللي فوقها وبعدين احطها في التلاجه ساعه مثلا تمسك مع بعضها شويه اجهز بقي في الوقت ده كريمه الزبده اللي هغطي بيها الكيك اضرب الزبده مع السكر ورشه فانيليا و ملعقه ماء وبعدين اطلع الكيك من التلاجه اغطيه بكريمه الزبده من الجناب وفوق وبعدين ادخلها التلاجه تاني تمسك شويه لمده ساعتين مثلا في الوقت ده افرد عجينه السكر اللون اللي انا هغطي بيه الكيك افرده علي سكر بودره او نشا وافرده بنشابه وبعدين اطلع الكيك من التلاجه واغطيه بعجينه السكر وبعدين بقي اكون مقطعه فراشات بعجينه السكر بالالوان اللي انا عوزاها زي الصوره كده وورد كمان بالالوان بردو زي الصوره والزقها بمياه وسكر علي التورته واعمل فروع الورد زي الصوره افرد لون عجينه السكر زيتي اعمله حبل طويل واقصه علي اد الورد زي الصوره الفراشات لو مش متواجد القطاعه نرسمها علي ورق كرتون ونقصها ونقطعها علي عجينه السكر علي قدها الفراشات نعملها تخينه شويه عشان تكون وقفه كده علي التورته زي الصوره ومتقعش يستحسن نسيب الفراشات يوم مثلا قبل مانحطها علي الكيك عشان تكون نشفت وبألف هنا وشفا علي قلوبكم مناسباتكم سعيده
ليست هناك تعليقات:
إرسال تعليق