لا مفقود إلا بتركيزكَ عليه.
هو موجود لكن متفكرش فيه.
نص الكوباية الفاضي.
بالسعي أملاه.
و أحمد ربك على المليان.
لكن خليك طموح و خذ بالأسباب.
كل اللي بتفكر فيه.
في العقل الكوني إتكتب لو ما سعيت ليه.
هيكون لغيرك هدف.
خد بالكَ يا ابن آدم.
الصراع بين البشر.
عمره ما هينتهي.
اختلاف و سفك دماء.
و بما كسبت أيدينا ظهر الفساد.
يعني هتموت و أنتَ مشغول بالظروف.
و هيفضل دي حال البشر.
أنتَ مطالب بالتغيير.
لكن في نفسكَ مش للغير.
في وسط النّار و الدمار.
تقدر تنجح. بسبع خطوات.
قوانين الناجحين.
طبقها و قول آمين.
أولها: الحُبُّ الشّديد.
لكل عمل في إيديك.
طاقة ليك بالنهار.
و أفكار بالليل.
ثانيهما: إيمانكَ و قوة اعتقادكَ بذاتكَ.
هما أساس الناجحين في الحياة.
ثالث قانون : لا للعشوائية و الفروض.
خطتكَ هي النور.
عايز تموت و نجاحكَ. يفضل موجود.
يبقى رابع قانون. هو مبدأ التقدم في الكون.
اربط أهدافكَ بالقيم. خامس قانون : الصحة لازم تدوم.
خليك في التفكير مُتَّزن تناغم و انسجم. بين الرُّوح و العقل و الجسد. من غير الاتزان هتعيش تعبان.
أما القانون السادس و السابع. فن الاتصال مع نفسكَ.
و التواصل مع الناس.
النجاح شراكة و علاقات.
ودٌّ و احترام آراء.
مش فرض رأي و عِراك. عليكَ الاختيار. لتكون من الناجحين.
أو الشّاكين طول الليل و النهار.
ليست هناك تعليقات:
إرسال تعليق