اخطاء بنقع فيها ؟ بقلم مصممة الازياء هبه عادل

اخطاء بنقع فيها بس سهل نتجنبها 🌚الماتريال بتاعه الطقم بتاعنا اوقات بنختار خامات سهله ومريحه بس خامتها بتتكرمش بسرعه ، وطبعا اول ماانزل اركب العربيه او هركب مواصلات هتتكرمش بسرعه ولما اوصل
شغلي او جامعتي هيكون لبسي مكسر ومتكرمش ف ياريت نختار ماتريال ما تتكرمش بسرعه وتكون في نفس الوقت برضه مريحه 🌚 لو رايحه غدا او عشا بلاش نلبس بلاوز ليها كم منفوش اوي او كمها فيه فيونكه او رباط طويل لان اول ما الاكل هيوصل وهبدأ اكل هيحصل حاجه من الاتنين ،، الكم او الرباط او اي كان هينزل في الطبق او هيجي عليه أكل بأي شكل من الاشكال او هفضل اشيله كل مااجي امسك المعلقه او اكل ودا هيوترني وهينقل التوتر دا اللي انا باكل معاه والوقت والشكل مش هيكون لطيف ف ياريت نختار كم مناسب عشان اكون براحتي وشكلي ولبسي ما يكون نظيف وانيق اطول فتره ممكنه 🌚 ساعات الطقم بيكون شيك جدا منمق جدا واختارته بعنايه لكل قطعه بس ممكن بالايشارب او سكارف ابوظ شكل الطقم كله ودا بيكون اني مش بختار الايشارب المناسب للطقم المناسب يعني مثلا ماينفعش اكون في الصيف ولابسه كل الطقم مثلا شيفون والبس عليه ايشارب كتان او في الشتا البس بلاوز تريكو او صوف والبس عليها طرحه شيفون كدا كدا الطقم كله باظ لكن ممكن البس ايشارب قطن او ماتريال تانيه تليق مع السيزون 🌚 اللبس السبورت او الرياضي طبعا اغلبه بيكون مكتوب عليه اسم البراند لو هلبس طقم ياريت يكون كله من براند واحد او لو مش واحد ف ياريت لو التي شيرت مكتوب عليه اسم براند وواضح البس باقي القطع من غير كتابه يعني ساده عشان كتر الكتابات او اسماء البراندات هتعمل دوشه والشكل مش هيكون مريح للعين 🌚الاكسسوريز من اهم مكملات الاناقه بس نحاول نوظفها صح وفي اماكنها الصح ونعرف احنا رايحين فين وهتنفع ولا لاء يعني مثلا مينفعش اروح شغلي الصبح او الجامعه ب طبقات من الاكسسورات كتير وفيها دهبي تو فضي كتير ممكن نلبس حاجه بسيطه او طبقات بس بسيطه عشان تليق علي المكان اللي انا فيه 🌚 ساعات كتير بنلبس طقم شيك جداا بس بيبوظ بسبب شنطه حجمها مش مناسب لحجمي او لشكل الطقم الي هلبسه او يبوظ بسبب شوز او سنيكر مش لايق خالص عليه ف ياريت نختار حاجه مريحه بس في نفس الوقت تمشي معاه لبسنا يارب يكون المقال عجبكم والي جاي نتكلم عن باقي الاخطاء اللي ممكن تغير كل طريقه لبسنا للاحلي والاجمل لان