جيهان محي بصمة في عالم الجلود تميز وراقي وابداع - بقلم دعاء لاشين

 تميز وراقي وابداع بقلم دعاء لاشين فنانة من نوع خاص فكرت وتعلمت وابتكرت لم يقتصر وقتها علي اعمال ربة المنزل العادية والنمطية ولكنها
خلقت لنفسها مساحة من الوقت مارست فيها حبها للأعمال اليدوية بداية

 من تعلمها الخياطة لكي تفصل لنفسها ملابسها بعد انعدام الاذواق داخل الأسواق وغلاء الاسعار ولم تكتفي بذلك بل سعت الي تعلم فنون أخرى مثل حياكة الجلد الطبيعي وبالفعل أخرجت من يديها ما يسر الأعين ويلفت نظر الآخرين تعالوا معنا نتعرف علي موهبة فرضت نفسها علي ساحة الهاند ميد وأصبح لها بصمة في عالم تصنيع الجلد الطبيعي جيهان محي مصممة جلود هاند ميد بدأت شغل الجلد من سنتين كان كل همى

ديما طول عمرى لما يبقى نفسى فى حاجه اعملها بايدى لانى بحب الابتكار ومش بحب البس حاجه حد لابسها علمت نفسى الخياطه وبقيت اعمل هدومى كلها وبعدين فكرت انا ليه معملش شنطى وكل اكسسواراتى جتلى فكرة انى اتعلم تصنيع الشنط بعد مالقيت نفسى كل ما اشترى شنطه الاقيها قشرت بعدها ومن هنا دخلت عالم الجلود البحر الواسع اللى مالوش

اخر لأن التعليم ما بيقتصرش على حد معين احنا لازم نطور من نفسنا ديما وده اللى انا عملته اتعلمت مبادىء الجلدودخلت على الاحتراف وبعدها اشتغلت على نفسى شويه لحد ما لقيت نفسى الحمد لله مؤهله انى اقوم بالتدريب اخذت الخطوه ولانى بحب العمل التطوعي والخدمى دربت ذوى الاحتياجات الخاصة والمرأة المعيله ومحاربات السرطان والحمد لله راضيه عن نفسى جدا بنقل المعلومه بكل امانه لغيرى تم تكريمى من أكثر من جهه وعملت أكثر من لقاء تليفزيونى الحمد لله وببقى سعيده جدا وانا بشتغل فى شنط الاطفال بيبقى فيها بهجه لانى بحب المجسمات بحس انى بطلع فيها طاقتى وفى نفس الوقت بيبقى نفسى افرح الطفله وهى لابسه شخصيه بتحبها أو شكل معين ليا شغل اتعرفت بيه جدا زى شنطة

الجمجمه المجسمه واستخدمت فيها تقنية النفخ وشنطة نفرتيتى اللى كانت بدايتى فى الدق على الجلد نفسى فى حاجات كتير أولها اننا نلاقى الخامات والجلد على مستوى عالى علشان نعاصر السوق العالميه احنا مش اقل منهم فى شىء بالعكس احنا عندنا يد عامله وأفكار كتير نفسنا نحققها علشان نرتقى بالمنتج المصرى فى معايير الجودة ونرفع اسم بلدنا اكتر واخيرا بشكر كل من دعمنى نفسيا ومعنويا واولهم ذوجى اللى لو قعدت اتكلم عنه طول عمرى مش هديله حقه الحمد لله على كل النعم اللى فى حياتنا