إنك بتتعاقب بشكل ظريف وشيك.. على انك شاطر ومتفوق وذكي... لو انت #انسانه نضيفة ومرتبه ومنظمه.. ومابتحبيش تقعدي في مكان مش نضيف. وطول النهار تنضفي وترتبي وتروقي... تحت شعار نضافتك دي...
هتلاقي كل اللي في البيت.. امك واخواتك ويمكن جيرانك...😂 هيستغلوكي اسوء استغلال.. وهيرموا كل أمور النضافه على راسك وقفاكي لدرجة إنك بتبقي خدامه شيك ليهم كلهم... وتلاقي كل اخواتك يوسخوا ويبهدلوا المكان وعارفين ومتأكدين .. إن الشغاله بتاعتهم اختهم هتروق المكان مش انت بتحبي النضافه.... شيييييلي لو روحت اي #عمل او شغل جديد... وقولت بس .. ده انا خطي حلو وجميل... او انا شاطر في الكومبيوتر... تلاقي الإدارة وكل الإدارات اللي جنبها.. ويمكن الوزارة والوزارات التانية..😂 استغلوك في الكتابه والكومبيوتر أسوء استغلال كل ده علشان قولت بس.. انا خطي جميل وحلو.. لدرجة انك بتدعي على نفسك وتقول.. يا ريتني كنت اتشكيت في لساني ولا قولتلهم🤣 لما تحل #مشكلة لحد من أصدقائك.. ويعرفوا إنك حلال للمشاكل وعقلك رزين.. تلاقي كل مشاكل اصحابك وأصحاب صحابك. مرميه على راسك..علشان تحلها.. لدرجة انك بتلاقي نفسك مخنوق من الضغط. خدوا من ده كتير.... شوفتم ازاي الشطارة بتقلب معاناه.. عرفتم دلوقتي ليه ناس كتير منا... لما نسألهم أنتم شطار ومميزين.. وهم فعلا كده. يكون ردهم السريع بلا أدنى تردد ... لأ..احنا لا مميزين ولا شطار ولا متفوقين إحنا حمير مش بنفهم.😄 لانهم لو قالوا ....اه يبقى هنقول عليهم..الله يرحمهم... #مجرد_ خاطرة ا.د. فتحي الشرقاوي❤ أستاذ علم النفس بجامعة عين شمس
ليست هناك تعليقات:
إرسال تعليق