الاحياء أنا عندى مرض إسمه البله المنغولى بيوصف حالتى إن أللى عنده زيادة فى كروموزوم 21 اسمه كده..... بس أنا مش هبله ولا منغولية..... انا عاوزة أتكلم مع وزير التعليم عشان ياخد حقى ويحذف الكلام الغلط ده من كتاب الاحياء... انا بعت رسالة بصوتى للدكتور طارق شوقى على الواتساب وقلت يا دكتور شوقى إحنا مش هبل وعبط إحنا بنعرف نفهم وبنعرف نفكر وكمان أنا مصرية مش منغولية .... فعلا وزير التعليم سمع صوتى ورسالتى وحذف لفظ البله المنغولى لوصف حالة متلازمة داون فى كافة الكتب حتى المرحلة الثانوية... الكلام ده حصل بعد ما يقرب من 60 سنة تم دراسة هذه الحالة بالمصطلح الوحش ده وكل الاجيال خلال السنين دي عرفت إن أللى عنده متلازمة السعادة و متلازمة الحب إسمها بله منغولى.... انا نجحت انى أغير الكلمة دي........ بس مش كل الناس عرفت عشان كده لازم يكون عندنا توعية مجتمعية و تصحيح المصطلح من اذهان الناس كلها... اى حد يقرأ كلامى ده يقول لكل أللى يعرفه وبكده يبقى ساعدتونى واسعدتونى فى تغير نظرة المجتمع لفئة كانت ينظر لها نظرة غير صحيحة استمرت 60 سنة سما رامي أيقونة حذف لفظ البله المنغولى من كتب وزارة التربية والتعليم والمناهج المصرية
إللي يقول عليك عندك بله وبلاهة هو اللي أبله وكافر مش بيشكر نعمة ربنا فيكي وف إللي زيك وأنا هبهدله
ردحذفأسمترررري كلمة الحق لا يمكن أن تتوقف أمام التيار الشعبي الحاجد لنعمة ربنا
بعيد الشر عنك يا سما وعن أمثالك
بالروح بالدم نفديك يا سما