سلام علي الناس اللينه هما لما يجوا ع البال تقول ده هين لين سهل كده بمعني لما تغيب عنهم يعذروك لما متردش ع مكالمتهم او رسايلهم ميعملوش معاك تحقيق او يتنوهم يلوموك ع تقصيرك و خصوصا الناس اللي انت اصلا اللي متصل بتسأل عليهم و يقولك ياه لسه فاكر......اللي
تسمع انهم شكروا فيك من وراك .... اللي لما تكون غضبان يقولك انا معاك اهدي او ع الاقل ميستنوش يردولك فعل عملته معاهم بدون قصد في وقت زعل مش قاعدين علي الوحده او يزعقوا علي زعقيك اللي تتكلم معاهم من غير ما تجمل الكلام او تدور ع الفاظ لاحسن يفهموا غلط لدرجة انك بتكون خايف تتكلم معاهم لاحسن طريقتهم الدبش تسمع كلمه منهم توجعك... اللي لما يضايقوا منك يهادوا عيوبك ليك يهادوا ها مش بيخلوك تكره نفسك و يحسسوك انت قد ايه معقد ...اللي يفاجئوك بهديه صغننه ولو صغيره اللي نص كلامهم ليك دعاء .... اللي ينصحوك بينك و بينهم مش قدام الشعب و طبعا تحت مسمي محدش غريب اللي تطلب منه اي حاجه و لو معرفتش تساعده في حاجه كان طلبها منك و مش في إيدك ميزعلش اللي لما تتكلم ميعلقش ع كلمه و يتمسخر عليك و يعملها نمره اللي لو قلت معلومه غلط ميشنقكش و يصلحها ببساطه طبعا لانه صاحب القاموس الاعظم ف اللغه و يحسسك انت قد ايه جاهل ..الللي مش ماشي يحكم ع الناس من فعل او كلمه او حركة...... اللي بيعرف يطبطب و يصالح بنكته و بضحكه كنت اعرف اتنين لما يتخانقوا واحد يقول للتاني كاتش كاتش ف الالولو فالتاني يرد ب كمنانا و كده بيقوا اتصالحوا اه و الله❤.... ناس بيتصالحوا بسرعه او بيتصالحوا اصلا .... اللي لما يجيلهم حد منهار نفسيا لو معندهمش طاقه يرد عليكواا ع الاقل بكلمه بسيطه يطبطوا علي ايدك او ياخدوك في حضنهم او يبوسوا راسك او يطبطبوا ع ظهرك مع حركات دائريه😂 يلمسوا وشك و يقولوا مينفعش الوش ده يزعل....حاجات هبله بس بتعلم فالقلب و بتسيب راحه و مشاعر جميله جواك تجاه الشخص ده ....... مش بيقولك كفايه بقي او اعمليلك قفله كلام يوجع القلب اللي أساسا موجوع ااناس اللي مش نص كلامه انا انا انا انا انا انا انا انا انا انا انا انا انا الناس اللي لما تعرف انها غلطانه تقولك حقك عليا متزعلش انت غالي عندي ....اللي متقبل جدا اني ممكن احب الكشري و انت تحب المحشي مش شرط اني أحب اللي بتحبه غصب عني انت شخص و انا شخص تاني خالص منتا ممكن تخليني احبه من غير ما تفرضه عليا الناس اللي ممكن تتصل بيهم تستشيرهم في حاجه مهمه بالنسبه ليك و انت عارف ان سرك في بير و لا إنه هيعايرك بيها في يوم من الايام الناس دي موجوده... شكرا للناس اللي بتعلمنا نكون ساهلين ف التعامل واللي اتعلمنا منهم كتير واللي بنلقط الفاظنا منهم من جمالها شكرا للناس اللينه
ليست هناك تعليقات:
إرسال تعليق