فعلا فى ناس كتير أوى ممكن يمدوا أيديهم على شعرى أو يطبطبوا على كتفى طبعا بحسن نية لكن بابى ومامى كانوا بيقولولى طول عمرى من وأنا عندى 3 سنين إوعى يا سما حد يمد إيده على شعرك أو كتفك أو على اى منطقة فى جسمك .... وفعلا كلام بابى ومامى كان عامل زى جهاز
الانذار..... وانا كنت فى لجنة الامتحانات فى تالتة إعدادى لقيت مراقب اللجنة بيقولى إيه القمر دا يا سما وبيمد إيه عشان يحسس على شعرى..... لقيت جهاز الانذار و التحذير أللى هو كلام مامى وبابى رن فى عقلى وطبعا أنا مسكت إيده وقلته عيب يا مستر قالى أنا زى باباكي يا سما وأنا فرحان بيكى وبراڤو عليكى إنك بتعرفى تكتبى وتجاوبى آنتى اد بنتى... قولتة بس ده ما يسمحش لحد إنه يمد إيده على شعرى وفجأة رئيس اللجنة دخل وندهوا لمامى من امام المدرسة عشان أنا كنت مضايقة وكنت بعيط.... مامى سمعت الكلام وقالتى شاطرة يا سما.... إنتى صح... وقالت لمراقب اللجنة أنا وباباها معودينها إن محدش على وجه الارض يقرب من جسمها.... طبعا المراقب قالها دا مجرد انى بمد ايدى على شعرها.... طبعا مامى قالتله حتى لو شعرها.... من القصة دي أحب أقول لكل البنات الصغيرة اوعوا حد يمد إيده على جسمك أو شعرك ويقول معلش أنا اد بابى خليكى دايما عندك شخصية وقوية .... الوقاية خير ألف مره من العلاج من التحرش..... ودائما وابدا جسدك خط احمر.....
صح يا سما ده التحرش أكبر خطر يا ست الكل لا أحد يمس جسدك بسوء إلا سوف اقطع خبره
ردحذفكما فعل محمود البنا في وجه المجرم راجح فأتخده الله شهيداً لآتحزني يا سما فأنا الجندي المغوار لأجلك