أمسك فى حلمك بقلم د.اميرة مجدي

كتير مننا بيبقي عندة حلم نفسه يحققوا ويسعي وبيجتهد لتحقيقة طبعا كل حاجه بايد ربنا وانت عليك السعي لكن قبل الحلم لازم يكون في قوة وعزيمة علشان من غيرهم بلاش تحلم احسن علشان وانت راكب قطار الحلم هتعدي على محطات كتيرة علشان تحقق حلمك وفي كل محطة
هتقابل ناس كتير كل واحد هيفتي بطريقتة وهيتفنن يقلل من عزيمتك ويضيعلك حلمك بأنك مش هاتقدر ما تحاولش كان غيرك اشطر أوعي تصدقهم او توقف تسمع لكلامهم علشان دول كان عندهم احلام بس اقتصروا الطريق على نفسهم وتعبوا من اول محطه ومكملوش فا هيحولوا يوقفوك أنت كمان امشي وسابهم،وهتلاقي ناس تانيه تصعب الموضوع اوي وتوريلك إن الدنيا سودة وهتقلل من حلمك وهدفك وتقولك انها كانت تقدر تحقق حلمها بس وبعدين هتوصل لايه بعد التعب دة كلة وتحسسك إن حلمك دة شئ سخيف جداً وتقلل منة على اد ما تقدر دول لو كانوا يقدروا يحققوا ربع ما حققت مكانوش يفضلوا مكانهم محلك سر دول بيحبطوا فيك ويقللوا منك ومن حلمك خوف وغيرة من أنك تكون احسن منهم وتثبتلوهم أن العيب فيهم وهما اللي فاشلة امشي وسابهم ولا تهتم لكلامهم،وهتلاقي ناس تانيه بتنفخ فيك وتقولك انت ادها وادود وكل حاجه بتعملها صح وما بيحاولوش يقولولك على اي عيب فيك دول بقي بصراحة عايزين يغرقوك اصل مافيش حد كامل وما بيغلطش الكمال لله وحده دول عايزينك تقع ومش عايزين مصلحتك بس بيتلونوا زي التعابين والسحالي برضه اوعي تسمع كلامهم. خليك ماشي في محطاتك واحدة واحدة لاتنط وتعدي محطة علشان هتقع ومش هتقوم ولا ترجع لوراء محطة علشان كده عمرك ما هتوصل خليك واثق في ربنا وفي نفسك واجتهد على قد ما تقدر علشان ياما طول ما انت ماشي هتقابل،وفي ناس تانيه تقابلك وتقولك هتساعدك وتمد أيديها وفي نصف الطريق يتخلوا عنك علشان برضه يحبطوك ويهزوا ثقتك بنفسك. دايما اعمل حساب كل خطوة بتمشيها،مش هتخسر حاجه لو حاولت وفشلت لكن هتخسر لو محاولتش او سمعت واتاثرت بكلام الناس. اسمع كلام عقلك وحكم قلبك هيدلك على الصح واستخير ربنا في كل صغيرة وكبيرة وادعيلة كتير يبعدك عنك الناس دي واعتمد عليه في كل خطواتك هو الخلاص والنجاة والوحيد اللي بيديك من غير ما ياخد منك بس قول يارب من قلبك ولا تاذي حد وفوض أمرك دائما لربنا وخليك قوي وعندك إرادة وعزيمة واوعي تزعل لو حاولت وفشلت اكيد ربنا هيعوضك بعوض كبير علشان انت تعبت بس اصبر مسيرة هيجي لكن لو استسلمت ما تلومش غير نفسك علشان هتبقى شبة الناس اللي بتقابلها. "اتعب واستريح فكر واجتهد وما تطضغطش على نفسك وطبطب عليها وواسيها وبلاش الثقة الزيدة عن حدها علشان ما تتصدمش وتزعل خليك واثق في ربنا ونفسك بس اصل الدنيا غدارة ومليانة خيانة،عامل الناس زي ما بيعاملوك وما تديش من غير ما تاخد ساعد نفسك بنفسك واتعلم دائما تتفرج وانت ساكت علشان تتعلم اسرع وتعرف تفهم اللي ادامك خليك قليل الكلام علشان الناس تفكر ازاي تعرف تعاملك واعمل حسابك تداوي نفسك بنفسك"