الطفل وعالم الألوان بقلم :- أمنية عبد الرازق

 الألوان هى شئ أساسي في حياتنا فى كل اختيارتنا ،منها اللى له تأثير ايجابي ومنها له تأثير سلبي . من زمان كانوا بيستخدموا الالوان فى العلاج . مهم نعرف ان الألوان بتأثر على نفسيتنا وتعكس سلوكيتنا...كمان الألوان بتساهم بشكل كبير على تكوين شخصية الطفل وتكوينه النفسي . لأن لكل لون طول موجي خاص بيه مختلف عن اى لون تانى ، الموجات دى بتؤثر
على جهازنا العصبي وعلى خلايا جسمنا وعلى تفكيرنا . طب ازاى اختار الالوان المناسبه لابني ؟؟؟

تعالوا نتعرف على معظم الالوان اللى بنستخدمها دايما . اللون الأبيض: بيدل على الهدوء والراحه والأمان واستخدمه لو كان الطفل ذو طابع عدواني اللون الأحمر: بالرغم من انه يدل على النشاط والحيويه بس لا يفضل استخدامه فى غرف الأطفال لانه بيعمل على نقص تركيز الاطفال وبيعمل اجهاد عصبي مما يؤدى ان الكفل بيكون عدوانى بس ممكن استخدمه فى الأنشطه مع الطفل الكسول لانه بيغمل حافز ونشاط. اللون الأصفر: بيدل على النشاط والسعادة والمرح والإيجابية والتركيز بس لا يفضل الإكثار منه لانه ممكن يؤدى ان الطفل يكون كثير الحركه ، واما اختارة اختار الاصفر الهادى وليس الفاقع وياريت لو ادرج فى لونه من الهادى للفاقع. اللون الأزرق: يدل على الاسترخاء ويقلل التوتر والعصبية والقلق ويجعل الطفل يشعر بالاستقرار النفسي. اللون الأخضر: ودا ليه تأثير ايجابي جدا على الصحه النفسية وعلى سلوك الطفل ، كمان بيشجع الطفل على القراءة وبيحسن قدرة الطفل على القراءة . اللون البرتقالي: يجعل الطفل لديه ثقة بنفسه واستخدمه لو طفلى انطوائي لانه بيؤثر على الحياة الاجتماعية بطريقه ايجابيه . اللون البنفسجي: يهدء الاعصاب ويمنع التوتر ولكن لا يفضل استخدامه بكثرة لو طفلك حساس. اللون الأسود: بالرغم من انه يدل على القوة ولكنه رمز الخوف عند الأطفال ويجلب لهم التوتر والانطواء فلا يفضل استخدامه . اللون النيلى: استخدميه علشان تطلعى المواهب والابداع اللى عند طفلك . دى من اكثر الالوان اللى بنستخدمها بس ثواااانى!!!!! خطأ انى اكثر من لون فى نفس المكان لأن دا بيجعل الطفل سريع الغضب والبكاء احرصوا على اختيار ألوان مناسبه للطفل منذ الصغر لتنمية شخصية الطفل وجعله متزن وهادئ ومبدع