في بنات مش بتكون عارفه ايه المفروض يكون ف دولابها ف فصل الشتاء وبتبقي محتاره تشتري ايه ف هحاول اقولكم الاساسيات ايه ونقدر نلبسها ب كذا اوت فيت مختلفين ازاي-
1-اهم واحلي حاجه ف الدولاب الجاكيت الجلد الاسود وده اللي ندفع فيه واحنا مرتاحين نفسيا كده ومبسوطين لانه اولا مش بيكون سنه وبيقدم لا بالعكس ده هو مكمل معانا على طول ثاني حاجه انه هو بيكون شيك وبيدي لوك حلوه للاوت فيت حاجه كده اخر شياكه وحلاوه ف نفسه بحسه جنتيل اوي ونقدر نلبسه كاجوال وكمان كلاسيك
2- جاكيت جينز بلون محايد ما يكونش لون غامق قوي وما يكونش لون فاتح قوي طبعا بنحتاج كثير جدا وبيكون عملي بمناسبه ان احنا في الكليات هايكون مناسب جدا ثالث حاجه
3-بنطلون اسود واسع او جيبه سودا وبرضوا مفيش غنى عنهم ممكن البس جاكيت جينز علي الجيبه مثلا او على البنطلون و نقدر لبس الجاكيت الجلد برده على الجيبه ويبقى طقم كلاسيك ونقدر لبس على البنطلون ويكون كاجوال
4- لازم يكون عندنا بلوفر بيزك هاف اللي بيبقى مغطي الرقبه ولازم يكون عندنا اثنين واحد ابيض وواحد اسود لانهم اساسيات في الدولاب ونقدر ننسق عليهم كذا اوت فيت بكذا لوك مختلف والحقيقه انهم بينقذوا جدا للوكات البسيطه والسريعه
5- برده من الاساسيات ان يكون عندنا دريس بيزك واحنا عارفين طبعا انه مفيش غير غني في الصيف وبرضوا مفيش غنى عنه في الشتاء وعلشان كده بيكون بخامه مختلفه تماما عن الصيف وغالبا بتكون صوف 6- طبعا بلوفر اوفر سايز بيكون عمل جدا دلوقتي كليات والدروس لو نازله خروجه بسيطه بيكون حلو مش بيقيد مفيش بنت مش بتحب الاوفر سايز ودي بسيطه جدا ممكن نسرق اي بلوفر من دولاب باباكي او اخوكي ونزود عليه حاجه بسيطه نغير ف شكله زي اللولي مثلا او نلبس شميز تحته او اكسسوار بسيط وساعتها يكون شكله شيك اوي ومش هيبان انه مسروق متقلقيش
7- لما يكون عندك جاكيت طويل او كارديجان طويل بيفرق جدا في اللبس و بيتلبس على كذا حاجه وبيكون حلو جدا وياريت يكون بقى الوان محايده زي النوت والاسود والابيض والجراي
8- دي تقريبا هتهم البنات اكتر اللي في كليات او بيحبوا اللبس الكاجوال لازم يكون عندك اثنين سويت شيرت على الاقل وانا جربتهم ع سيكرت وطلعوا تحفه جدا جدا جدا احسن من البنطلونات بكثير جربي يكون عندك 2 وتلبسي يوم على سيكرت وكوتش وشنط باك وتروحي الكليه او لو عندك مشوار محتاج حركه كتير هتحسي انك مرتاحه جدا وخفيفه وبيكون شكلهم شيك قوي وعملين وحاليا كمان في سويت شيرتات متبطنه من جوه ب فرو ف مش هتحتاجي تلبسي كذا قطعه من تحت
9- الاسكارف او الشال المربع طبعا السيزون اللي فات كان مغرق الدنيا ولسه مكمل معانا السيزون ده لو نقدر نشتري اتنين نشتري واحد ساده واحد كروهات لو مش ف مقدرتنا هنشتري واحد على حسب لبسنا لو احنا معظعم لبسنا مشجر هنشتري واحد ساده لو لبسنا ساده هنشتري كاروهات او مشجر
10- لو انتي محجبه او مش محجبه وبتلبسي سكريت او دريسات لازم يكون عندك ليجنات قطن حقيقي حقيقي من اهم اهم الحاجات اللي لازم تكون عندك والحلو انهم كمان موجود منهم متبطنين من جواه ف بيدفوا حلو اوي لان طبعا احنا عارفين الهواء في الشتاء بيكون عامل ازاي فمنها هنكون متدفين كويس ومنها لو السيكرت طارت هنكون لابسين حاجه
ليست هناك تعليقات:
إرسال تعليق