فراشه هانم

 بقلم/ دينا موسى

 بلاش كل شويه تطيرى على بيت بابى عشان زعلتى مع جوزك صدقينى مش فى مصلحتك كده زوجه هايتعود على بعدك علطول وبدل مايحس ان البيت غربه من غيرك هايقول بركه ياجامع ويتعمد يزعلك عشان
يرتاح منك شويه عاوزه تزعلى ازعلى واغضبى بس فى بيتك فى غرفتك اوعى تسيبى مملكتك مهما كان السبب الزوج وقت الغضب عاوز اللى يمتص غضبو ويهديه مش تزوديها عليه وتسبيه وتطيرى على بابى خلى بالك ممكن فى لحظه فراشه تانيه تيجى تقف على كتفو وسعتها انتى ها تقعى على الارض ..... وانتى عارفه اللى بيقع على الارض بيتعمل فيه ايه...... مش بيتشاف اصلاااا خاليكى دا يما عاليا بحكمتك فى ردود فعلك لحظه الغضب صدقينى ممكن كلمه تخلى كل شئ ينتهى ونرجع تعيط ونقول سيبنى وراح ياهوى طيب مانتى اللى فتحتى الطريق لكده ؟ ربنا يجعلكم خير الازواج والزوجات ونصيحتى ليكم انتم الاتنين بلاش تبعدو عن بعض وقت الغضب والانفعال لان اضعف لحظه عند الانسان والشيطان مش بيقرب الا فى لحظه الضعف يعنى ممكن يخلى كل حاجه حرام فى عنيكم حلوه وانتم بعيد عن بعض .... { اتحملو بعض شويه .... وابعدو عن الاهل شويتين }